നിരക്ക് വർധനെയ തുടർന്ന് നഷ്ടമായ ഉപഭോക്താക്കളെ തിരിച്ചെത്തിക്കാൻ മികച്ച രണ്ട് പ്ലാനുകളാണ് ജിയോ നവംമ്പർ മാസത്തിൽ അവതരിപ്പിച്ചത്. വമ്പൻ ഡാറ്റ ഓഫറുകൾ വാഗ്ദാനം ചെയ്യുന്ന രണ്ട് പ്രീപെയ്ഡ് പ്ലാനുകളാണ് ജിയോ കഴിഞ്ഞ മാസം അവതരിപ്പിച്ചിരിക്കുന്നത്.
11 രൂപയുടെ ഡാറ്റ പ്ലാനും 601 രൂപയുടെ 5ജി അ‌പ്ഗ്രേഡുമാണ് ആ രണ്ട് പ്ലാനുകൾ. 11 രൂപയുടെ ഡാറ്റ പ്രീപെയ്ഡ് പ്ലാനിൽ 10 ജിബി 4ജി ആഡ് ഓൺ ഡാറ്റയാണ് ലഭിക്കുക. പക്ഷെ ഒരു മണിക്കൂർ സമയത്തേക്കാണ് പ്ലാനിന്റെ വാലിഡിറ്റി ഉണ്ടായിരിക്കുക. വളരെ കുറഞ്ഞ സമയത്തേക്ക് വളരെയധികം ഡാറ്റ ആവശ്യമുള്ള ഉപയോക്താക്കളെ ലക്ഷ്യമിട്ടാണ് ജിയോ ഈ പ്ലാൻ അവതരിപ്പിച്ചിരിക്കുന്നത്.
Also Read: ലാവയുടെ യുവ 4 വിപണിയിലെത്തി; അറിയാം വിശേഷങ്ങൾ
601 രൂപയുടെ ജിയോ 5ജി അപ്ഗ്രേഡ് വൗച്ചറാണ് ഈ മാസം അവതരിപ്പിച്ച മറ്റൊരു പ്ലാൻ. 12 5ജി അപ്ഗ്രേഡ് ബൂസ്റ്റർ അടങ്ങുന്ന പ്ലാനാണിത്. 51 രൂപയുടെ 5ജി ഡാറ്റ ബൂസ്റ്റർ പ്ലാനിന്റെ 12 വ്യത്യസ്ത വൗച്ചറുകളാണ് ഈ പ്ലാനിലുള്ളത്. ആവശ്യാനുസരണം വൗച്ചറുകൾ റീഡീം ചെയ്തെടുക്കാം. ഈ ഗിഫ്റ്റ് വൗച്ചർ വേണമെങ്കിൽ ജിയോ ഉപയോക്താക്കൾക്ക് മൈജിയോ അക്കൗണ്ടുകൾക്കിടയിൽ ട്രാൻസ്ഫർ ചെയ്യാനും സാധിക്കും.
Also Read: ആശങ്കകള്‍ക്ക് അവസാനം; ഒടുവില്‍ തീരുമാനമറിയിച്ച് ട്രായ്
1.5GB പ്രതിദിന ഡാറ്റയുമായി വരുന്ന പ്രതിമാസ പ്രീപെയ്ഡ് പ്ലാനുകളിലേക്കാണ് ഈ വൗച്ചറുകൾ റിഡീം ചെയ്യാൻ സാധിക്കുക. മൈജിയോ ആപ്പിലൂടെയാണ് വൗച്ചറുകൾ ലഭ്യമാകുക. ജിയോ 5ജി അപ്ഗ്രേഡ് വൗച്ചർ ലഭിക്കാൻ ആദ്യം മൈജിയോ ആപ്പിൽ വൗച്ചറുകൾ എന്ന വിഭാഗത്തിലേക്ക് പോകുക. ഇവിടെയുള്ള മൈ വൗച്ചേഴ്സിൽ ക്ലിക്ക് ചെയ്യുമ്പോൾ ഈ വൗച്ചർ ഓഫർ ലഭിക്കുന്നതാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
