ദില്ലി വിമാനത്താവളത്തില്‍ ബോംബ് ഭീഷണി നടത്തിയ കേസില്‍ പതിമൂന്നുകാരന്‍ കസ്റ്റഡിയില്‍. ഉത്തരാഖണ്ഡ് സ്വദേശിയായ ഒമ്പതാം ക്ലാസുകാരനാണ് ഇ – മെയില്‍ വഴി ഭീഷണി സന്ദേശം അയച്ചതെന്ന് പൊലീസ് സ്ഥീരികരിച്ചു. വെറും തമാശയ്ക്ക് അയച്ചതാണെന്നായിരുന്നു കുട്ടിയുടെ മൊഴി. ജൂണ്‍ 17 നായിരുന്നു ദുബായിലേക്കുളള വിമാനത്തില്‍ ബോംബ് വച്ചിട്ടുണ്ടെന്ന ഇ – മെയില്‍ സന്ദേശം അയച്ചത്.
മറ്റൊരു കുട്ടിയുടെ വ്യാജ ഭീഷണിയുടെ സോഷ്യല്‍ മീഡിയ റിപ്പോര്‍ട്ടുകളില്‍ നിന്നാണ് തനിക്ക് ആശയം ലഭിച്ചതെന്ന് ഒമ്പതാം ക്ലാസ് വിദ്യാര്‍ത്ഥിയായ കുട്ടി പോലീസിനോട് പറഞ്ഞു. ഈ മാസം ആദ്യം ദില്ലിയില്‍ നിന്ന് കാനഡയിലെ ടൊറന്റോയിലേക്ക് പോവുകയായിരുന്ന എയര്‍ കാനഡ വിമാനത്തിന് ഇമെയില്‍ വഴി ബോംബ് ഭീഷണിയുണ്ടായിരുന്നു. പിന്നീട്, ഉത്തര്‍പ്രദേശിലെ മീററ്റില്‍ നിന്ന് 13 വയസ്സുള്ള ആണ്‍കുട്ടിയാണ് മെയില്‍ അയച്ചതെന്ന് പോലീസ് കണ്ടെത്തുകയും ചെയ്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
