ദുരന്തത്തിന്റെ നടുക്കം വിട്ടുമാറാതെ വയനാട്; മരണസംഖ്യ 151

ഒരു രാത്രി ഇരുട്ടി വെളുത്തപ്പോൾ രണ്ട് ഗ്രാമത്തെയാകെ തുടച്ചുനീക്കിയ ഉരുൾപൊട്ടലിന്റെ നടുക്കത്തിലാണ് കേരളം. ഇന്നലെ വെളുപ്പിനെയുണ്ടായ രണ്ട് ഉരുൾപൊട്ടലുകളാണ് വയനാടിനെ മുഴുവൻ ഇരുട്ടിലാക്കിയത്. വയനാട് ചൂരൽമലയിലും, മുണ്ടക്കൈയിലുമായുണ്ടായ ഈ ഉരുൾപൊട്ടലുകളിൽ ഇതുവരെ ജീവൻ പൊലിഞ്ഞത് 151 പേർക്കാണ്.

Also Read; മണിക്കൂറുകള്‍കൊണ്ട് പുഴയ്ക്ക് കുറുകെ പാലം, സ്‌കൂളിലും പള്ളിയിലും ആശുപത്രി സജ്ജം, ഇരുട്ടും മുന്നേ ചൂരല്‍മലയില്‍ വൈദ്യുതിയും എത്തിച്ചു; ദുരന്തമുഖത്തെ രക്ഷാപ്രവര്‍ത്തന ഏകോപനം

അപകടത്തിൽ 128 ആളുകൾക്ക് പരിക്കേറ്റു. 48 മൃതദേഹങ്ങളാണ് ഇതുവരെ തിരിച്ചറിഞ്ഞിട്ടുള്ളത്. 32 മൃതദേഹങ്ങൾ ബന്ധുക്കൾക്ക് കൈമാറി. 800 ഓളം ആളുകളെ ഇതുവരെ രക്ഷിക്കാൻ കഴിഞ്ഞിട്ടുണ്ട്. 3069 ആളുകൾ ഇപ്പോൾ ദുരിതാശ്വാസ ക്യാംപുകളിൽ കഴിയുകയാണ്. 200 -ഓളം പേരെ ഇനിയും കണ്ടുകിട്ടാനുണ്ട്. കാണാതായവർക്കായി ചാലിയാർ പുഴയിലും വന മേഖലകളിലും തിരച്ചിൽ തുടരുന്നു.

Also Read; ‘കാപ്പിത്തോട്ടത്തിലിരുന്നാണ് നേരം വെളുപ്പിച്ചത്, കഷ്ടപ്പെട്ട് വെച്ച വീടും പോയി’: ഉരുൾപൊട്ടലിന്റെ ദുരനുഭവം വെളിപ്പെടുത്തി രക്ഷപെട്ട പ്രദേശവാസി

സമാനതകളില്ലാത്ത രക്ഷാപ്രവർത്തനമാണ് വയനാട്ടിൽ ഇപ്പോൾ നടക്കുന്നത്. കൂടുതൽ സേനാവിഭാഗങ്ങൾ വായനാട്ടിലേക്കെത്തി. രക്ഷാപ്രവർത്തനങ്ങൾ ഏകോപിപ്പിക്കുന്നതിന്റെ ഭാഗമായി മുഖ്യമന്ത്രി നാളെ വായനാട്ടിലെത്തും.