സൗത്ത് ആഫ്രിക്കയില്‍ നിന്ന് 12 ചീറ്റകളെ കൂടി ഇന്ത്യയില്‍ എത്തിക്കാനാണ് കേന്ദ്ര സര്‍ക്കാരിന്‍റെ തീരുമാനം. മധ്യപ്രദേശിലെ കുനോ ദേശീയോദ്ധ്യാനത്തില്‍ ഈ ചീറ്റകളെയും തുറന്നുവിടും. വായുസേനയുടെ ഗ്ളോബ് മാസ്റ്റര്‍ വിമാനത്തില്‍ ഫെബ്രുവരി 18നാണ് പുതിയ ബാച്ച് ചീറ്റകളെ കാണ്ടുവരിക എന്ന് കേന്ദ്ര വനം പരിസ്ഥിതി മന്ത്രി ഭൂപേന്ദ്ര യാദവ് അറിയിച്ചു.
The 8 cheetahs who came to India in September 2022, under the ambitious and visionary planning of PM Shri @narendramodi ji, have adapted well.
India is now ready to welcome 12 more cheetahs from South Africa. #ProPlanetPeople pic.twitter.com/kGYam8oGDk
— Bhupender Yadav (@byadavbjp) February 16, 2023
കഴിഞ്ഞ വര്‍ഷം സെപ്റ്റംബര്‍ 17ന് എട്ട് ചീറ്റകളെ കൂനോ ദേശീയ ഉദ്യാനത്തില്‍ തുറന്നുവിട്ടിരുന്നു. ഇതില്‍ അഞ്ച് പെണ്‍ ചീറ്റകളായിരുന്നു. പ്രത്യേക വിമാനത്തില്‍ നമീബിയയില്‍ നിന്നാണ് ഈ ചീറ്റകളെ കൊണ്ടുവന്നത്.
ഇന്ത്യന്‍ കാലാവസ്ഥയോട് ഇവ പെട്ടെന്ന് ഇണങ്ങുന്നുണ്ടെന്നാണ് വനംപരിസ്ഥിതി മന്ത്രാലയത്തിലെ ഉദ്യോഗസ്ഥര്‍ അറിയിക്കുന്നത്. 24 മണിക്കൂറിനകം ഈ ചീറ്റകള്‍ വേട്ടയാടി തുടങ്ങി. ഇന്ത്യയില്‍ വംശനാശം വന്ന ചീറ്റകളെ വീണ്ടും കൊണ്ടുവരാനാണ് പുതിയ പദ്ധതിയിലൂടെ കേന്ദ്ര സര്‍ക്കാരിന്‍റെ ലക്ഷ്യം. സൗത്ത് ആഫ്രിക്കയുമായി ഉണ്ടാക്കിയ കരാറിന്‍റെ ഭാഗമായാണ് 12 ചീറ്റകള്‍ കൂടി ഇന്ത്യന്‍ മണ്ണിലേക്ക് എത്തുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
