ദഹനപ്രശ്നങ്ങൾ അകറ്റും പുതിനച്ചായ

നിരവധി ആരോഗ്യ ഗുണങ്ങളാൽ സമ്പന്നമാണ് പുതിനയില. ശരീരത്തെ തണുപ്പിക്കാൻ പുതിനയിലയ്ക്ക് സാധിക്കും. ധാതുക്കൾക്കൊപ്പം, വിറ്റാമിൻ-സിയുടെ മികച്ച ഉറവിടം കൂടിയാണ് പുതിന. പുതിന കൊണ്ടുള്ള ചായ ശീലമാക്കുന്നത് നല്ലതാണ്. പുതിന ചായ തയ്യാറാക്കുന്നത് എങ്ങനെയെന്നു നോക്കാം…

ആവശ്യമായ ചേരുവകൾ

പുതിനയില 5 ഇലകൾ
തേയിലപ്പൊടി 1 ടീസ്പൂൺ
തേൻ 1 ടീസ്പൂൺ
വെള്ളം 2 ഗ്ലാസ്
‌നാരങ്ങാ നീര് 1 ടീസ്പൂൺ

തയാറാക്കുന്ന വിധം

ആദ്യം വെള്ളം നല്ല പോലെ തിളപ്പിക്കുക. തിളച്ച് കഴിഞ്ഞാൽ അതിലേക്ക് തേയില പൊടി ഇടുക. ശേഷം പുതിനയില ചേർക്കാം. പുതിനച്ചായ കുടിക്കുന്നതിന് പത്ത് മിനിറ്റ് മുമ്പ് തേനും നാരങ്ങ നീരും ചേർക്കാം..