ഒരു ആമുഖവുമില്ലാതെ മലയാളികൾക്ക് ഏറെ പ്രിയങ്കരനാണ് നടനും സംവിധായകനുമായ ബേസിൽ ജോസഫ്. കഴിഞ്ഞ ദിവസമാണ് ബേസിലിന് ഒരു കുഞ്ഞ് മാലാഖ ജനിച്ചത്.
ഹോപ് എലിസബത്ത് ബേസിൽ എന്നാണ് കുഞ്ഞിന്റെ പേര്. ഇപ്പോഴിതാ കുഞ്ഞ് ജനിക്കുന്നതിന് ഒരാഴ്ച മുൻപുള്ള ചിത്രമാണ് ബേസിൽ തന്റെ ഫേസ്ബുക്കിലൂടെ പുറത്തുവിട്ടിരിക്കുന്നത്.
വളരെ പോസിറ്റീവായ ഈ ചിത്രത്തിന് കൈയടിക്കുകയാണ് സോഷ്യൽമീഡിയ. നിമിഷനേരം കൊണ്ടുതന്നെ നിരവധിയാളുകളാണ് ചിത്രത്തിന് ലൈക്കുകളുമായി എത്തുന്നത്.
2017 ലായിരുന്നു ബേസിലിന്റെയും എലിസബത്തിന്റെയും വിവാഹം.
വിനീത് ശ്രീനിവാസന്റെ അസ്സോസിയേറ്റായി സിനിമാ രംഗത്തെത്തി കുഞ്ഞിരാമായണത്തിലൂടെ സ്വതന്ത്ര സംവിധായകനായ ബേസിൽ, 2021 ൽ ടൊവിനോ തോമസിനെ നായകനാക്കി ഒരുക്കിയ മിന്നൽ മുരളിയിലൂടെ ഇന്ത്യ മുഴുവൻ ശ്രദ്ധനേടി.
അഭിനയത്തില്‍ കൂടുതൽ സജീവമായ താരം നായകനായി എത്തിയ ജയ ജയ ജയ ജയ ഹേ കഴിഞ്ഞ വർഷത്തെ സൂപ്പർഹിറ്റുകളിലൊന്നായിരുന്നു.വിപിൻ ദാസ് സംവിധാനം ചെയ്യുന്ന ഗുരുവായൂരമ്പല നടയിൽ ആണ് ബേസിൽ നായകനായി വരാനിരിക്കുന്ന ചിത്രം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
