പായസ പ്രേമികള്‍ക്കായി ഇതാ ഒരു വെറൈറ്റി ഐറ്റം

പായസം ഇഷ്ടപ്പെടാത്തവര്‍ വളരെ ചുരുക്കമാണ്. പായസ പ്രേമികള്‍ക്ക് ഈസിയായി തയ്യാറാക്കാം സേമിയ റവ പായസം.

ആവശ്യമായ സാധനങ്ങല്‍

റവ – അര കപ്പ്
സേമിയ – 150 ഗ്രാം
പാല്‍ – ഒരു ലിറ്റര്‍
വെള്ളം – ഒന്നര കപ്പ്
പഞ്ചസാര – 200 ഗ്രാം
ഏലക്ക – 2
കശുവണ്ടി – 6
കിസ് മിസ് – കുറച്ച്
നെയ്യ് – 2 സ്പൂണ്‍
മഞ്ഞള്‍പ്പൊടി – ഒരു നുള്ള് (നിറം വേണമെങ്കില്‍, ആവശ്യമുണ്ടെങ്കില്‍ മാത്രം)

തയാറാക്കുന്ന വിധം

1)ഒരു പാനില്‍ നെയ്യ് ഒഴിച്ച് ചൂടാകുമ്പോള്‍ റവയും സേമിയയും 3 മിനുട്ട് വറക്കുക.

2)ഒരു കപ്പ് വെള്ളം ഒഴിച്ച് റവയും സേമിയയും വേവിക്കുക .3 -5 മിനിറ്റ് വരെ തിളപ്പിക്കുക .

3)വെള്ളം വറ്റാന്‍ തുടങ്ങുമ്പോള്‍ പാല്‍ ഒഴിക്കുക .ഇളക്കി കൊണ്ടേയിരിക്കണം .ഈ സമയത്തു തന്നെ പഞ്ചസാര ചേര്‍ത്ത് ഇളക്കുക.

4)കുറുകാന്‍ തുടങ്ങുമ്പോള്‍ തീ അണക്കുക .

5)ഒരു പാനില്‍ നെയ്യ് ചൂടാക്കി കശുവണ്ടിയും കിസ്മിസും വറുത്തു പായസത്തില്‍ ചേര്‍ക്കുക. ഏലക്ക പൊടിച്ചു തൂവുക.

(പായസത്തിനു ഒരു മഞ്ഞ നിറം കൊടുക്കാന്‍ വേണ്ടി പാല്‍ ഒഴികുമ്പോള്‍ ഒരു നുള്ള് മഞ്ഞള്‍പ്പൊടി കൂടി തൂവുക. ആവശ്യമാണെങ്കില്‍ മാത്രം ഇങ്ങനെ ചെയ്താല്‍ മതി )