സുഹൃത്തുക്കള്‍ സഞ്ചരിച്ച സ്‌കൂട്ടറും പൊലീസ് ജീപ്പും കൂട്ടിയിടിച്ച് യുവാവ് മരിച്ചു. തോട്ടപ്പള്ളി കൊട്ടാരവളവ് അനുരാഗം വീട്ടില്‍ മഞ്ചേഷ് ആണ് മരിച്ചത്. ഒപ്പം ഉണ്ടായിരുന്ന സുഹൃത്ത് വിഷ്ണുവിനെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ദേശീയപാതയില്‍ കന്നുകാലി പാലം വട്ടുമുക്കിന് സമീപം കഴിഞ്ഞദിവസം രാത്രി പത്ത്മണിയോടുകൂടിയായിരുന്നു അപകടം.
മാരാരിക്കുളം പൊലീസ് സ്റ്റേഷനിലെ ജീപ്പ് മറ്റൊരു കേസ് സംബന്ധമായ ആവശ്യത്തിന് പള്ളിപ്പാട് പോയി തിരികെ വരുമ്പോഴായിരുന്നു അപകടം നടന്നത്. അപകടത്തില്‍പ്പെട്ടവരെ പൊലീസ് ജീപ്പില്‍ ഹരിപ്പാട് താലൂക്ക് ആശുപത്രിയില്‍ എത്തിച്ചു. തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും മഞ്ചേഷിന്റെ ജീവന്‍ രക്ഷിക്കാനായില്ല. മത്സ്യത്തൊഴിലാളിയാണ് മരണപ്പെട്ട മഞ്ചേഷ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
