പല്ലുകളുടെ ആരോഗ്യം നിങ്ങളുടെ കയ്യിൽ

മുഖസൗന്ദര്യത്തിൽ വളരെ പ്രധാനപ്പെട്ട ഒന്നാണ് മനോഹരമായ പല്ലുകൾ. ആത്മവിശ്വാസത്തോടെ ചിരിക്കുന്നതിന് പോലും പല്ലുകൾ പ്രധാന പങ്കുവഹിക്കുന്നു. പല്ലുകളുടെ സംരക്ഷണത്തിന് ചില കാര്യങ്ങൾ ശ്രദ്ധിക്കേണ്ടതുണ്ട്. അവ കൃത്യമായി പാലിച്ചാൽ പല്ലുകളെ മനോഹരമായി കാത്തുസൂക്ഷിക്കാം, നിങ്ങൾക്ക് കോൺഫിഡൻസോടെ ചിരിക്കാം…

• മിഠായി കഴിച്ചതിന് ശേഷം വായ നന്നായി കഴുകുക. ഇല്ലെങ്കില്‍ അത് പല്ലിന്‍റെ ഇനാമലിനെ ബാധിക്കാം. രണ്ട് നേരവും പല്ല് തേക്കാനും എല്ലാവരും ശ്രദ്ധിക്കേണ്ടതുണ്ട്. പല്ലുതേയ്ക്കുമ്പോള്‍ സകല ശക്തിയും ഉപയോഗിച്ച് തേച്ച് വെളുപ്പിക്കാന്‍ ശ്രമിക്കരുത്. അങ്ങനെയുള്ളവരിലാണ് പല്ലിന് തേയ്മാനം കൂടുതലായി കണ്ടുവരുന്നത്.
• പഞ്ചസാര ധാരാളം അടങ്ങിയ പാനീയങ്ങളും സോഡകളും പല്ലുകളുടെ ആരോഗ്യത്തെ മോശമായി ബാധിക്കാം. അതിനാല്‍ അവയുടെ അമിത ഉപയോഗം പരിമിതപ്പെടുത്തുക.
• ഐസ് വായിലിട്ട് ചവയ്ക്കുന്നതും പല്ലിന്‍റെ ആരോഗ്യത്തെ മോശമായി ബാധിക്കാം. ഐസ് പല്ലിന്‍റെ മൃദുലമായ കോശത്തെ ബാധിച്ചേക്കാം.

• പുകവലി പല്ലിന്‍റെ ആരോഗ്യത്തിന് നല്ലതല്ല എന്ന് എല്ലാവര്‍ക്കും അറിയാം. പുകയില ഉല്‍പ്പനങ്ങളുടെ ഉപയോഗം പല്ലില്‍ കറ വരുത്തുകയും ചെയ്യും. അതിനാല്‍ പുകവലി ഉപയോഗം കുറയ്ക്കുക.
• മൂന്നുമാസം കൂടുമ്പോൾ ടൂത്ത്ബ്രഷ് മാറ്റണം. നാരുകൾ വളയാൻ തുടങ്ങിക്കഴിഞ്ഞാൽ ആ ബ്രഷ് ഉപയോഗിക്കാതിരിക്കുക.
• പല്ല് കൊണ്ട് കടിച്ച് ഒന്നും തുറക്കരുത്. പല്ല് കൊണ്ട് എന്തെങ്കിലും തുറക്കാന്‍ ശ്രമിക്കുന്നത് പല്ലില്‍ പൊട്ടല്‍ വരാന്‍ സാധ്യതയുണ്ട്.
• കാപ്പി കുടിക്കുന്ന ശീലം പലർക്കും ഉണ്ട്. കാപ്പി കുടിക്കുന്നത് പല്ലിന് കൂടുതൽ ദോഷം ചെയ്യും. അമിതമായ അളവില്‍ മധുരംചേര്‍ത്ത കാപ്പി കുടിക്കുന്നവരുടെ പല്ലുകൾ പെട്ടെന്ന് ദ്രവിക്കാൻ സാധ്യതയുണ്ട്.