കുടുംബങ്ങൾ തമ്മിലുള്ള ദീർഘകാല ശത്രുതയുടെ പേരിൽ 32 വയസുകാരനെ ഒരു സംഘം അക്രമികൾ വെടിവച്ചു. വ്യാഴാഴച ദില്ലിയിലെ ത്രിലോക്പുരിയിലാണ് സംഭവമെന്ന് പൊലീസ് വ്യക്തമാക്കി. കേസിൽ പ്രതികളെന്ന് സംശയിക്കുന്ന മൂന്ന് പേരിൽ രണ്ടുപേരെ പിടികൂടിയതായി ദില്ലി പൊലീസ് പറഞ്ഞു.
വീടിനു സമീപമുള്ള ഏരിയയിൽ തീ കായുകയായിരുന്ന രവി യാദവ് എന്നയാളാണ് കൊല്ലപ്പെട്ടത്. ഒന്നിലധികം വെടിയേറ്റ യാദവിനെ മാക്സ് ആശുപത്രിയിൽ പ്രവേശിപ്പിച്ചു. ആശുപത്രിയിലെത്തിക്കുമ്പോഴേക്കും ഇയാളുടെ നില ഗുരുതരമായിരുന്നു. വീരേന്ദർ യാദവ് എന്നയാളാണ് തൻ്റെ അനന്തരവനായ രവി യാദവിന് വെടിയേറ്റതായി പൊലീസിനെ അറിയിച്ചത്.
Also Read; സ്കൂളിൽ പോകാൻ അമ്മ നിർബന്ധിച്ചു, ദേഷ്യത്തിൽ അമ്മയെ ടെറസിൽ നിന്നും തള്ളിയിട്ട് കൊന്ന് മകൻ
ഗോലു എന്ന സുനിൽ ഗുപ്തയും ഇയാളുടെ രണ്ട് കൂട്ടാളികളും ചേർന്നാണ് രവി യാദവിനെ വെടിവെച്ചതെന്ന് പൊലീസ് മൊഴിയിൽ പറയുന്നു. “രവിക്കും കുടുംബത്തിനും ഗോലുവിൻ്റെ കുടുംബവുമായി ദീർഘകാല ശത്രുതയുണ്ടെന്ന് കിഴക്കൻ ഡൽഹിയിലെ കർകർദൂമ കോടതിയിൽ അഭിഭാഷകനായ വീരേന്ദർ യാദവ് പറഞ്ഞു.
ഈ വർഷം മാർച്ചിൽ ഗോലുവിനെ കത്തിയും വടിയും ഉപയോഗിച്ച് മർദിച്ച് കൊലപ്പെടുത്താൻ ശ്രമിച്ച സംഭവത്തിൽ, ഇപ്പോൾ വെടിയേറ്റ വ്യക്തി ഉൾപ്പെട്ടിട്ടുണ്ടെന്ന് പൊലീസ് പറഞ്ഞു. വീരേന്ദർ യാദവ് നൽകിയ ഒന്നിലധികം പരാതികളും വിവരാവകാശ നിയമങ്ങളും കാരണം ഗോലുവിൻ്റെ സഹോദരൻ വിപിന് അടുത്തിടെ ജോലി നഷ്ടപ്പെട്ടിരുന്നു.
ബുധനാഴ്‌ച, ഇരു കുടുംബങ്ങളെയും പ്രതിനിധീകരിക്കുന്ന അഭിഭാഷകർ നടന്നുകൊണ്ടിരിക്കുന്ന തർക്കങ്ങളെച്ചൊല്ലി കർക്കർദൂമ കോടതിയിൽ രൂക്ഷമായ ഏറ്റുമുട്ടലുണ്ടായെന്നും അവർ കൂട്ടിച്ചേർത്തു. പൊലീസ് ഇപ്പോഴും വസ്തുതകൾ പരിശോധിച്ചുവരികയാണെന്നും അന്വേഷണം നടക്കുന്നുണ്ടെന്നും ഒരു ഉദ്യോഗസ്ഥൻ പറഞ്ഞു.
സംശയിക്കപ്പെടുന്ന മൂന്നുപേരിൽ രണ്ടുപേരെ കസ്റ്റഡിയിലെടുത്തിട്ടുണ്ടെന്നും ഇപ്പോൾ ചോദ്യം ചെയ്തുവരികയാണെന്നും അദ്ദേഹം പറഞ്ഞു. ഭാരതീയ ന്യായ സൻഹിതയിലെ സെക്ഷൻ 109/3 (5) (കൊലപാതകശ്രമം) പ്രകാരമാണ് കേസെടുത്തിരിക്കുന്നതെന്നും അദ്ദേഹം കൂട്ടിച്ചേർത്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
