മണിപ്പൂര്‍ വിഷയത്തില്‍ പാര്‍ലമെന്റില്‍ പ്രതിഷേധം ശക്തമാക്കാന്‍ പ്രതിപക്ഷം. പ്രധാനമന്ത്രി സഭയെ അഭിസംബോധന ചെയ്ത് സംസാരിക്കണമെന്നും സഭാനടപടികള്‍ നിര്‍ത്തി വെച്ച് ചര്‍ച്ച ചെയ്യണമെന്നും ആവശ്യപ്പെട്ട് എ എ റഹീം എംപി സഭാധ്യക്ഷന് കത്ത് നല്‍കി. വിഷയത്തില്‍ അടിയന്തര ഇടപെടല്‍ ആവശ്യമാണെന്നും റഹീം എംപി ആവശ്യപ്പെട്ടു.
മണിപ്പൂരില്‍ കലാപം രൂക്ഷമായി തുടരുമ്പോഴും നടപടി സ്വീകരിക്കാന്‍ കേന്ദ്രസര്‍ക്കാരോ ബിരേന്‍ സിംഗ് ഗവണ്‍മെന്റോ തയ്യാറായിട്ടില്ല. മണിപ്പൂര്‍ വിഷയത്തില്‍ ചര്‍ച്ചയ്ക്ക് തയ്യാറാണെന്ന് കേന്ദ്ര ആഭ്യന്തരമന്ത്രി അമിത് ഷാ അറിയിച്ചെങ്കിലും തുടര്‍ നടപടികളുണ്ടായില്ല. മണിപ്പൂര്‍ വിഷയത്തെ ചൊല്ലി കഴിഞ്ഞ ദിവസങ്ങളിലും പാര്‍ലമെന്റില്‍ പ്രതിപക്ഷം ശക്തമായി പ്രതിഷേധിച്ചിരുന്നു. മോദി മൗനം വെടിഞ്ഞ് നടപടി സ്വീകരിക്കാന്‍ തയ്യാറാകണമെന്നാണ് പ്രതിപക്ഷം ആവശ്യപ്പെടുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
