തൃശൂർ പുതുക്കാടിന് സമീപം മണലി പുഴയിൽ നീർനായക്കൂട്ടത്തെ കണ്ടെത്തി. ആറു നീർനായകളെയാണ് ഇന്ന് രാവിലെ വഴിയാത്രക്കാർ കണ്ടത്. മണലി – മടവാക്കര റോഡിനോട് ചേർന്ന് കാച്ചക്കടവിന് സമീപമാണ് പുഴയിൽ നീർനായകളെ കണ്ടെത്തിയത്. പ്രദേശവാസികൾ വസ്ത്രങ്ങൾ കഴുകാനും കുളിക്കാനുമായി എത്തുന്ന ഭാഗത്താണ് നീർനായ കൂട്ടം എത്തിയത്.
ടോൾ ഒഴിവാക്കി ഇതുവഴി കടന്നു പോയ വാഹന യാത്രക്കാരാണ് നീർനായകളെ കണ്ടത്. ഇവർ ദൃശ്യങ്ങൾ മൊബൈലിൽ പകർത്തുകയും ചെയ്തു. നീർനായകൾ പുഴയിൽ പെറ്റുപെരുകിയിട്ടുണ്ടെന്നാണ് നാട്ടുകാർ സംശയിക്കുന്നത്. മാംസ ഭോജികളായ നീർനായകൾ പുഴയിലിറങ്ങുന്നവരെ കൂട്ടത്തോടെ ആക്രമിക്കുമെന്ന ആശങ്കയും നാട്ടുകാർക്കുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
