അമ്മയുടെ രോഗം മാറാൻ ഒരു മാസം പ്രായമുള്ള കുഞ്ഞിനെ ബലി നൽകിയ മാതാപിതാക്കൾ അറസ്റ്റിൽ. അമ്മയുടെ രോഗം മാറാൻ കുഞ്ഞിനെ ബലി നൽകാനുള്ള മന്ത്രവാദിയുടെ നിർദേശപ്രകാരമാണ് മാതാപിതാക്കൾ കുഞ്ഞിനെ ബലി നൽകിയത്. മുസഫര്‍നഗറിലെ ബെല്‍ദ ഗ്രാമത്തിലാണ് ഈ ക്രൂരത അരങ്ങേറിയത്. കുട്ടിയുടെ അമ്മ മമത, അച്ഛൻ ഗോപാല്‍ കശ്യപ് എന്നിവരെ പൊലീസ് അറസ്റ്റ് ചെയ്തു. ഇരുവരും കുറ്റം സമ്മതിച്ചു.
Also Read: മട്ടാഞ്ചേരിയില്‍ പ്ലേ സ്‌കൂള്‍ വിദ്യാര്‍ഥിക്ക് ക്രൂര മര്‍ദ്ദനം; അധ്യാപികയെ കസ്റ്റഡിയിലെടുത്ത് പൊലീസ്
അമ്മയായ മമതയുടെ രോഗം മാറുന്നതിനായി കുട്ടിയെ ബലി നല്‍കണമെന്ന് മന്ത്രവാദി ഇവരോട് നിർദേശിച്ചു. തുടർന്ന് ഒരു മാസം പ്രായമുള്ള കുട്ടിയെ കൊലപ്പെടുത്തുകയും, മൃതദേഹം വനത്തിൽ ഉപേക്ഷിക്കുകയും ചെയ്തു. മൃതദേഹം കണ്ടെത്താനുള്ള നടപടികൾ പുരോഗമിക്കുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
