റംബൂട്ടാൻ്റെ കുരു തൊണ്ടയില്‍ കുടുങ്ങി തിരുവനന്തപുരം കല്ലമ്പലത്ത് ആറു മാസം പ്രായമായ കുഞ്ഞ് മരിച്ചു. വ്യാഴാഴ്ച വൈകീട്ടോടെയാണ് കരവാരം തോട്ടയ്ക്കാട്ട് മംഗ്ലാവില്‍ വീട്ടില്‍ അനേഷ്-വൃന്ദ ദമ്പതികളുടെ കുഞ്ഞായ ആദരവ് വീട്ടുകാര്‍ അറിയാതെ റംബൂട്ടാന്‍ കുരു വായിലിട്ടത്. വിവരമറിഞ്ഞ വീട്ടുകാര്‍ ഉടന്‍ കുട്ടിയെ തിരുവനന്തപുരത്തെ ആശുപത്രിയില്‍ എത്തിച്ച് റംബൂട്ടാന്‍ കുരു പുറത്തെടുത്തെങ്കിലും തുടര്‍ന്ന് ശ്വാസമെടുക്കാനാവാതെ ആണ് കുഞ്ഞ് മരണപ്പെട്ടത്.
തൊണ്ടയില്‍ വസ്തു കുടുങ്ങിയാല്‍ ചെയ്യേണ്ടതെന്ത്?
കുഞ്ഞുങ്ങളുടെ തൊണ്ടയില്‍ എന്തെങ്കിലും വസ്തു കുടുങ്ങിയാല്‍ ഉടനടി ആശുപത്രിയില്‍ എത്തിക്കുന്നതാണ് ആദ്യപടി. ഇതിനു സമയം കിട്ടിയില്ലെങ്കില്‍ പ്രാഥമികമായി ഈ ശുശ്രൂഷകള്‍ നല്‍കാം.
ALSO READ: ഉറങ്ങുമ്പോൾ എങ്ങനെ കിടക്കണം? ഇടതുവശം ചരിഞ്ഞു കിടക്കുന്നത് നല്ലതാണോ?
1. കുട്ടിയെ ശുശ്രൂഷകന്റെ കൈകൊണ്ട് താങ്ങിപ്പിടിച്ച് മടിയില്‍ കമഴ്ത്തി കിടത്തുക.
2. കൈത്തണ്ട കൊണ്ട് 5 തവണ മുതുകിനു നടുഭാഗത്തായി അമര്‍ത്തി അടിക്കുക. തുടര്‍ന്ന് കുടുങ്ങിയ വസ്തു തൊണ്ടയില്‍ നിന്നും വായിലേക്ക് എത്തുന്നുണ്ടോ എന്ന് പരിശോധിക്കുക.
3. കുട്ടിയുടെ ശ്വാസം നിന്നുപോയാല്‍ മലര്‍ത്തി കിടത്തി, നെഞ്ചിന്റെ നടുക്കായി 2 വിരലുകള്‍ കൊണ്ട് ആഞ്ഞ് അമര്‍ത്തുക. ഒരു സെക്കന്‍ഡില്‍ ഒരു തവണ എന്ന രീതിയില്‍ വേണം അമര്‍ത്താന്‍.
4. 5 വട്ടം പുറത്തും തുടര്‍ന്ന് 5 വട്ടം നെഞ്ചിന്റെ ഭാഗത്തും അമര്‍ത്തണം. ഇത് കുടുങ്ങിയ വസ്തു വായില്‍ വരുന്നതുവരെ തുടരണം.
5. കുട്ടിക്ക് ബോധം തെളിഞ്ഞില്ലെങ്കില്‍ 2 മിനിറ്റ് സിപിആര്‍ നല്‍കണം. തുടര്‍ന്ന് ഉടനടി ആശുപത്രിയില്‍ എത്തിക്കുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
