പ്ലാന്‍റ് യുഎഇ പദ്ധതിക്ക് പിന്തുണയുമായി അബുദാബി മുനിസിപ്പാലിറ്റി; കഴിഞ്ഞ വർഷം നട്ടത് എണ്ണായിരത്തി അഞ്ഞൂറോളം മരങ്ങൾ

പരിസ്ഥിതി സംരക്ഷണം ലക്ഷ്യമിട്ട് യുഎഇ നടപ്പാക്കുന്ന യുഎഇ പ്ലാന്‍റ് പദ്ധതിക്ക് പിന്തുണയുമായി ​ഗാഫ് മരങ്ങൾ നട്ടു പിടിപ്പിച്ച് അബുദാബി മുനിസിപ്പാലിറ്റി. ന​ഗരങ്ങളിലെ വിവിധയിടങ്ങളിൽ കഴിഞ്ഞ വർഷം എണ്ണായിരത്തി അഞ്ഞൂറോളം മരങ്ങളാണ് നട്ടത്. ഈ വർഷവും പദ്ധതിക്ക് പിന്തുണയുമായി കൂടുതൽ മരങ്ങൾ വച്ചുപിടിപ്പിക്കുമെന്നും അധികൃതർ അറിയിച്ചു.

രാജ്യത്ത് പ​രി​സ്ഥി​തി സം​ര​ക്ഷ​ണ പ്രർത്തനങ്ങൾ വർദ്ധിപ്പിക്കുന്നതിനായി യുഎഇ വൈ​സ് പ്ര​സി​ഡ​ന്റും പ്ര​ധാ​ന​മ​ന്ത്രി​യും ദു​ബായ് ഭ​ര​ണാ​ധി​കാ​രി​യു​മാ​യ ഷെയ്ഖ് മു​ഹ​മ്മ​ദ് ബി​ന്‍ റാ​ഷിദ് അ​ല്‍ മ​ക്​​തൂം തുടക്കമിട്ട പ്ളാന്റ് യുഎഇ പദ്ധതിയ്ക്ക് പിന്തുണ പ്രഖ്യാപിച്ചാണ് അബുദാബി മുനിസിപ്പാലിറ്റിയുടെ നടപടി.

also read; വ്യക്തിഗത ഡ്രോൺ ഉപയോഗത്തിനുള്ള വിലക്ക് ഭാഗികമായി എടുത്തുമാറ്റി യുഎഇ; ദുബായിൽ വിലക്ക് തുടരും

കഴിഞ്ഞ വർഷം 8467 ​ഗാ​ഫ് മ​ര​ങ്ങ​ളാ​ണ് വെ​ച്ചു​പി​ടി​പ്പി​ച്ച​തെ​ന്ന് മു​നി​സി​പ്പാ​ലി​റ്റി അറിയിച്ചു. രാജ്യത്തെ വിവിധ ഹൈവേകൾക്കും റണ്ണിങ്ങ് സൈക്ളിങ്ങ് പാതകൾക്കും അരികിലായാണ് മരങ്ങൾ വച്ചുപിടിപ്പിച്ചത്. ഷഹാമ ഭാ​ഗത്താണ് കൂടുതൽ മരങ്ങൾ വച്ച് ഇവിടെ മാത്രം 4480 മരങ്ങളാണ് നട്ടത്. അതൊടൊപ്പം മരങ്ങൾ വച്ചുപിടിപ്പിക്കുന്നതിന് പുറമേ അവയുടെ വളർച്ചയ്ക്കും പരിപാലനത്തിനുമാിയ പ്രത്യേക പദ്ധതികളും ശാസ്ത്രീയമായി നടപ്പാക്കുന്നുണ്ടെന്നും മുനിസിപ്പാലിറ്റി അറിയിച്ചു. ഇതുകൂടാതെ കണ്ടൽ കാടുകളുടെ സംരക്ഷണത്തിനായും അബുദാബി മുനിസിപ്പാലിറ്റി പ്രത്യേക പദ്ധതി നടപ്പാക്കുന്നുണ്ട്.