നടനും മോഹിനിയാട്ടം കലാകാരനുമായ ആർഎൽവി രാമകൃഷ്‌ണനെ നിറത്തിന്റെ പേരിൽ അധിക്ഷേപിച്ച നർത്തകി സത്യഭാമയ്ക്ക് മറുപടി നൽകി നടൻ ഫഹദ് ഫാസിൽ. സത്യഭാമയുടെ പരാമര്‍ശം തെറ്റാണെന്ന് ഫഹദ് വേദിയിൽ വെച്ച് വിദ്യാർത്ഥികളോട് പ്രതികരിച്ചു. പുതിയ ചിത്രമായ ആവേശത്തിന്റെ പ്രൊമോഷനായി ആലുവ യുസി കോളേജില്‍ എത്തിയതായിരുന്നു താരം.
നിരവധി അഭിനേതാക്കളും മറ്റും സത്യഭാമയുടെ വിദ്വേഷ പരാമർശത്തിൽ പ്രതികരിച്ചിരുന്നു. ആരും സവർണ്ണ മേധാവിത്വത്തോട് ചേർന്ന് നിൽക്കുന്ന സത്യഭാമയുടെ നിലപാടിനെ അനുകൂലിച്ചിരുന്നില്ല. രൂക്ഷ വിമർശനമാണ് പലരും ഈ വിഷയത്തിൽ നർത്തകിക്കെതിരെ ഉന്നയിച്ചത്.
അതേസമയം, ഒരു യൂട്യൂബ് ചാനലിന് നല്‍കിയ അഭിമുഖത്തിലാണ് സത്യഭാമ ഡോ ആര്‍എല്‍വി രാമകൃഷ്ണനെതിരെ അധിക്ഷേപ പരാമർശം നടത്തിയത്. ‘മോഹിനിയായിരിക്കണം എപ്പോഴും മോഹിനിയാട്ടം കളിക്കുന്ന വ്യക്തികള്‍. പുരുഷന്മാരാണ് മോഹിനിയാട്ടം കളിക്കുന്നതെങ്കില്‍ സൗന്ദര്യമുള്ള പുരുഷന്മാരായിരിക്കണം. ചിലരുണ്ട്, കാക്കയുടെ നിറമാണ്. മോഹിനിയാട്ടത്തിന് കൊള്ളില്ല. പെറ്റതള്ള പോലും കണ്ടാല്‍ സഹിക്കില്ല’, എന്നായിരുന്നു സത്യഭാമ പറഞ്ഞത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
