പെരുങ്കളിയാട്ടത്തിൻ്റെ ഓഡിയോ സോങ്ങ് പ്രകാശനം ചെയ്ത് നടൻ സുബീഷ് സുധി

മാതമംഗലം ശ്രീ മുച്ചിലോട്ട് ഭഗവതി ക്ഷേത്രം പെരുങ്കളിയാട്ടത്തിൻ്റെ ഭാഗമായി കമ്മിറ്റി പുറത്തിറക്കുന്ന ഓഡിയോ സോങ്ങ് “നിർമാല്യം” പ്രശസ്ത സിനിമാ താരം സുബീഷ് സുധി പ്രകാശനം ചെയ്തു. പി. വി. ഭാസ്കരൻ കോമരം ഏറ്റുവാങ്ങി. ടീം സോഷ്യൽ മീഡിയ നടത്തിയ ഷോർട്ട് ഫിലിം മത്സരത്തിൽ ഒന്നാം സ്ഥാനം നേടിയ ഷോർട്ട് ഫിലിം ‘ചെന്താമര’, പ്രമോ വീഡിയോ എന്നിവയുടെ പ്രകാശനം കൈരളി ടി വി ന്യൂസ് എഡിറ്റർ പി.വി.കുട്ടൻ നിർവ്വഹിച്ചു.

Also read: അറബിക് കലോത്സവം: അവതരണത്തില്‍ തനിമ നിലനിര്‍ത്തി മത്സരാര്‍ഥികള്‍

ചടങ്ങിൽ പി.വി. വിനോദ് സ്വാഗതം പറഞ്ഞു. ഓഡിയോ വീഡിയോ കമ്മിറ്റി ചെയർമാൻ സജിൻ.കെ.വി അദ്ധ്യക്ഷത വഹിച്ചു. പി.സി ബാലകൃഷ്ണൻ , എം ശ്രീധരൻ, വി.പി മോഹനൻ, ദിനേശ് മറുവൻ എന്നിവർ ആശംസകൾ അർപ്പിച്ച് സംസാരിച്ചു. സന്തോഷ്.എം ചടങ്ങിന് നന്ദി പറഞ്ഞു. ജനുവരി 25 മുതൽ 28 വരെയാണ് പെരുങ്കളിയാട്ടം നടക്കുന്നത്.

അതേസമയം, ശബരിമലയിൽ മകരവിളക്കിൻ്റെ ഒരുക്കങ്ങൾ അവസാനഘട്ടത്തിലേക്ക് കടന്നു. മുഴുവൻ തീർത്ഥാടകർക്കും സുരക്ഷിത ദർശനം സാധ്യമാക്കുന്ന നടപടികൾ പുരോഗമിക്കുന്നു. ഈ മാസം 14 നാണ് മകരവിളക്ക്. തിരുവാഭരണ ഘോഷയാത്ര ജനുവരി 12 ന് പന്തളത്ത് നിന്നാരംഭിക്കും.

Also read: കരുതലും കൈത്താങ്ങും; കൊട്ടാരക്കര താലൂക്ക് അദാലത്തില്‍ ലഭിച്ചത് 1,026 അപേക്ഷകള്‍

ശബരിമലയിൽ മകരവിളക്കിൻ്റെ സുഗമമായ നടത്തിപ്പിനായി എല്ലാ വകുപ്പുകളുടെയും പ്രവർത്തനം ഊർജിതമാണ്. ദേവസ്വം മന്ത്രിയും ജില്ലാകളക്ടറും ദേവസ്വം ബോർഡ് പ്രസിഡൻ്റും വിളിച്ചുചേർത്ത യോഗ തീരുമാനങ്ങൾ അടിയന്തിരമായി പൂർത്തീകരിക്കാനുള്ള നപടികൾ പുരോഗമിക്കുന്നു. നട തുറന്നതോടെ വലിയ ഭക്തജനത്തിരക്കാണ് അനുഭവപ്പെടുന്നത്. പ്രതിദിനം തൊണ്ണൂറായിരത്തിന് മുകളിൽ തീർത്ഥാടകർ എത്തുന്നു. തിരുവാഭരണ ഘോഷയാത്ര ജനുവരി 12 ന് പന്തളത്തുനിന്ന് ആരംഭിക്കും. ഇത് സുഗമമായി നടത്തുന്നതിനുള്ള എല്ലാ ഒരുക്കങ്ങളും വിവിധ വകുപ്പുകൾ ജനുവരി 10 ന് മുൻപ് പൂർത്തിയാക്കുമെന്ന് ശബരിമല എ ഡി എം അരുൺ എസ് നായർ പറഞ്ഞു.