ബിസിനസ് പങ്കാളികള്‍ ഒന്നര കോടി രൂപ തട്ടിയെന്ന് ചൂണ്ടിക്കാട്ടി പൊലീസില്‍ പരാതി നല്‍കി നടന്‍ വിവേക് ഒബ്‌റോയി. ഇവന്റ് സിനിമാ നിര്‍മാണ കമ്പനിയില്‍ നിക്ഷേപിക്കാമെന്ന് പറഞ്ഞ് വിശ്വസിപ്പിച്ചാണ് ബിസിനസ് പങ്കാളികള്‍ പണം തട്ടിയതെന്ന് വിവേക് ഒബ്‌റോയി പൊലീസില്‍ നല്‍കിയ പരാതിയില്‍ പറയുന്നു.
വിവേകും ഭാര്യ ആല്‍വയും ചാര്‍ട്ടേഡ് അക്കൗണ്ടന്റ് ദേവന്‍ ബഫ്‌ന വഴി അന്ധേരി ഈസ്റ്റ് പൊലീസ് സ്റ്റേഷനിലാണ് പരാതി നല്‍കിയത്. മികച്ച നേട്ടമുണ്ടാക്കിത്തരാം എന്ന് സംഘം വാഗ്ദാനം നല്‍കിയിരുന്നതായി വിവേക് പരാതിയില്‍ പറയുന്നുണ്ട്. സഞ്ജയ് സാഹ, ഇയാളുടെ മാതാവ് നന്ദിത സാഹ, രാധിക നന്ദ എന്നിവര്‍ക്കെതിരെയാണ് പരാതി നല്‍കിയത്. ഇവന്റ്-സിനിമ കമ്പനിയില്‍ വിവേക് നിക്ഷേപിച്ച 1.5 കോടി ഇവര്‍ വ്യക്തിപരമായ ആവശ്യത്തിന് ഉപയോഗിച്ചെന്നും ആരോപണമുണ്ട്.
സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്. ഇതേയാളുകള്‍ നടന്‍ നവാസുദ്ദീന്‍ സിദ്ദിഖിയുടെ 51 ലക്ഷം രൂപ തട്ടിയെടുത്തതായും പരാതിയുണ്ടായിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
