താൻ ഒരു ദക്ഷിണേന്ത്യക്കാരിയാണെന്നും ഇനി ഹിന്ദി സിനിമകൾ ചെയ്യാൻ തനിക്ക് താൽപ്പര്യമില്ലെന്നും ബോളിവുഡിലെ ആളുകൾ കരുതി: ജ്യോതിക

ആരാധകരുടെ പ്രിയപ്പെട്ട നടിയാണ് ജ്യോതിക. ഇപ്പോഴിതാ 27 വർഷം ബോളിവുഡിൽ അവസരം ലഭിക്കാത്തതിനെ കുറിച്ച് തുറന്നു പറഞ്ഞിരിക്കുകയാണ് താരം. ഡോളി സജാ കേ രഖ്നാ എന്ന ചിത്രമായിരുന്നു ജ്യോതികയുടെ ബോളിവുഡിലെ ആദ്യ ചിത്രം. ഒരു അഭിമുഖത്തിലായിരുന്നു ജ്യോതിക ഇക്കാര്യം പറഞ്ഞത്.

ഡോളി സജാകേ രഖ്നേയ്ക്കു ശേഷം ഹിന്ദിയിൽ നിന്ന് അവസരങ്ങൾ തേടിവന്നില്ലെന്നും തുടർന്ന് ദക്ഷിണേന്ത്യൻ ചിത്രങ്ങളിൽ ശ്രദ്ധകൊടുക്കുകയായിരുന്നെന്നും ജ്യോതിക പറഞ്ഞു. ആദ്യ ഹിന്ദി ചിത്രം ഹിറ്റായിരുന്നില്ല എന്നും കൂടുതൽ അവസരം ലഭിക്കണമെങ്കിൽ ആദ്യചിത്രം തിയേറ്ററുകളിൽ നല്ലരീതിയിൽ സ്വീകരിക്കപ്പെടണമെന്നും നടി പറഞ്ഞു.

also read: വേനല്‍ക്കാലത്ത് സണ്‍സ്‌ക്രീന്‍ ഉപയോഗിക്കുന്നവരാണോ നിങ്ങള്‍ ? ഇതുകൂടി ശ്രദ്ധിക്കുക !

തനിക്കൊപ്പം തന്നെ ബോളിവുഡിൽ തങ്ങളുടെ കരിയർ ആരംഭിച്ച മറ്റു നടിമാരിൽ നിന്നുള്ള മത്സരമാണ് ഇതിന് കാരണമെന്നും ജ്യോതിക പറഞ്ഞു. തൻ്റെ സിനിമയും ഒരു വലിയ ബാനറാണ് നിർമ്മിച്ചത്, പക്ഷേ പരാജയപ്പെടാനായിരുന്നു അതിന്റെ വിധി. ഭാഗ്യവശാൽ, താൻ ഒരു ദക്ഷിണേന്ത്യൻ സിനിമയിൽ ഒപ്പുവെച്ച് ബോളിവുഡിൽ നിന്ന് വഴിമാറി.താൻ ഒരു ദക്ഷിണേന്ത്യക്കാരിയാണെന്നും ഇനി ഹിന്ദി സിനിമകൾ ചെയ്യാൻ തനിക്ക് താൽപ്പര്യമില്ലെന്നും ബോളിവുഡിലെ ആളുകൾ കരുതി. അതൊരു യാത്രയായിരുന്നു, അതിൽ ഞാൻ ഇപ്പോഴും നന്ദിയുള്ളവളാണ്. ഞാൻ അവിടെ ചില മികച്ച കുറേ സിനിമകൾ ചെയ്തു. ഞാൻ ഹിന്ദി സിനിമ ചെയ്യുന്നതിൽ നിന്ന് വിട്ടുനിന്നതല്ല. ഇത്രയും വർഷമായി ബോളിവുഡിൽ ആരും എനിക്ക് അവസരങ്ങൾ വാഗ്ദാനം ചെയ്യാത്തതുകൊണ്ടാണ്.” എന്ന് എം ജ്യോതിക വ്യക്തമാക്കി.നീണ്ട ഇടവേളയ്ക്കുശേഷം ശെയ്ത്താൻ എന്ന ചിത്രത്തിലാണ് ജ്യോതിക അഭിനയിച്ചത്. ശ്രീകാന്ത് ആണ് ജ്യോതികയുടേതായി പുതുതായി തിയേറ്ററുകളിലെത്തിയ ചിത്രം.

also read: കോഴിക്കോട് കോൺഗ്രസിൽ അച്ചടക്കനടപടി; തനിക്കെതിരെ നടന്നത് ഗൂഢാലോചനയെന്ന് കെ വി സുബ്രഹ്മണ്യൻ