ക്ലാസ്സ്മേറ്റ്സ് എന്ന ചിത്രത്തിലൂടെ മലയാളികൾക്ക് പ്രിയങ്കരിയായി മാറിയ നായികയാണ് രാധിക. റസിയ എന്ന ഒറ്റ കഥാപാത്രം കൊണ്ട് തന്നെ രാധിക മലയാളത്തിൽ എക്കാലവും അറിയപ്പെട്ടിരുന്നു. ഏറെക്കാലമായി സിനിമയിൽ നിന്ന് വിട്ടു നിന്ന രാധിക സമൂഹ മാധ്യമങ്ങളിൽ സജീവമായിരുന്നു. ഇപ്പോഴിതാ താരം പങ്കുവെച്ച മമ്മൂക്കയ്ക്കൊപ്പമുള്ള ഒരു ചിത്രമാണ് സമൂഹ മാധ്യമങ്ങളിൽ വൈറലാകുന്നത്.
‘ഈ ചിത്രം നാസയ്ക്ക് അയച്ചുകൊടുക്കും, കാരണം ഞാൻ എന്റെ താരത്തിനൊപ്പം’ എന്ന ക്യാപ്‌ഷനോടെയാണ് മമ്മൂക്കയ്ക്കൊപ്പമുള്ള ചിത്രം രാധിക പങ്കുവെച്ചത്. ചിത്രത്തിൽ ടർബോ സിനിമയുടെ ലുക്കിലാണ് മമ്മൂക്ക നിൽക്കുന്നത്. വലിയ സ്വീകാര്യതയാണ് സമൂഹ മാധ്യമങ്ങളിൽ ഈ ചിത്രത്തിന് ലഭിക്കുന്നത്.
അതേസമയം, ബസൂക്ക, ടർബോ, ബിലാൽ, ഭ്രമയുഗം, കാതൽ തുടങ്ങിയ നിരവധി ചിത്രങ്ങളാണ് മമ്മൂട്ടിയുടേതായി റിലീസിന് ഒരുങ്ങുന്നത്. പ്രേക്ഷകർ ആകാംഷയോടെ കാത്തിരിക്കുന്ന മമ്മൂട്ടി-ജ്യോതിക ചിത്രം കാതലിന്റെ ട്രെയ്‌ലർ പുറത്തിറങ്ങിയിട്ടുണ്ട്. നിഗൂഢതകൾ ഒളിപ്പിച്ച ട്രെയിലറിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ചിത്രത്തിൽ ഒരു രാഷ്ട്രീയക്കാരനായിട്ടാണ് മമ്മൂട്ടി പ്രത്യക്ഷപ്പെടുന്നതെന്ന് ട്രെയിലറിൽ നിന്ന് വ്യക്തമാണ്. കുടുംബവും അതിനകത്തെ സംഘർഷങ്ങളും ചിത്രത്തിൽ ഉണ്ടാകുമെന്നതിന്റെ സൂചനകൾ ട്രെയിലറിൽ തന്നെയുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
