മമ്മൂട്ടിയുടെ ഭ്രമയുഗം സിനിമ മികച്ച പ്രേക്ഷക പ്രതികരണങ്ങളോടെ തിയേറ്ററിൽ പ്രദർശനം തുടരുമ്പോഴാണ് മോഹൻലാൽ ചിത്രം ഓളവും തീരവും വീണ്ടും ചർച്ചകളിൽ ഇടം പിടിക്കുന്നത്. ആദ്യം ബ്ലാക് ആൻഡ് വൈറ്റിൽ പ്രദർശനം തീരുമാനിച്ച സിനിമയെന്ന നിലയിലാണ് ഇപ്പോൾ ഈ പ്രിയദർശൻ ചിത്രം ചർച്ചയാകുന്നത്. സോഷ്യൽ മീഡിയ ചർച്ചകളിൽ പറയുന്നത് ഓളവും തീരവും ഭ്രമയുഗത്തിന് മുൻപേ ബ്ലാക് ആൻഡ് വൈറ്റിൽ പ്രദർശനം നടത്താൻ തീരുമാനിച്ചിരുന്നു എന്നാണ്.
നെറ്റ്ഫ്ലിക്സ് ആന്തോളജിയുടെ ഭാഗമായിട്ടാണ് പ്രിയദർശൻ ഓളവും തീരവും എന്ന ചിത്രം അനൗൺസ് ചെയ്തത്. 1960ൽ പി.എൻ മേനോന്റെ സംവിധാനത്തിൽ എം. ടി വാസുദേവൻ നായർ തിരക്കഥ ഒരുക്കിയ ചിത്രമായിരുന്നു ഓളവും തീരവും. എം.ടിയുടെ എഴുത്തുകളെ ആസ്‌പദമാക്കി ഒരുക്കുന്ന ആന്തോളജിയുടെ ഭാഗമായാണ് പ്രിയദർശൻ മോഹൻലാൽ കൂട്ടുകെട്ടിൽ ഓളവും തീരവും റീമേക്കിന് ഒരുങ്ങുന്നത്.
ALSO READ: സത്യനാഥന്റെ കൊലപാതകം: സമഗ്രമായ അന്വേഷണം നടത്തണമെന്ന് സി പി ഐ (എം) ജില്ലാ സെക്രട്ടേറിയറ്റ്
അതേസമയം, മധു അവതരിപ്പിച്ച ബാപ്പുട്ടി എന്ന വേഷത്തിലാണ് ഓളവും തീരവും എന്ന സിനിമയിൽ മോഹൻലാൽ അഭിനയിക്കുന്നത്. ഉഷാനന്ദിനി അവതരിപ്പിച്ച നായിക വേഷത്തിൽ ദുർഗാ കൃഷ്ണയാണ് വേഷമിടുന്നത്. ഹരീഷ് പേരടി, സുരഭി ലക്ഷ്മി തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
