മഞ്ഞുമ്മൽ ബോയ്സ് എന്ന വിജയ ചിത്രം ഒടിടി റിലീസായതോടെ വീണ്ടും ഗുണ കേവും കുട്ടന്റേയും സുഭാഷിന്റെയും സൗഹൃദവും സോഷ്യൽ മീഡിയയിൽ ട്രെൻഡിങ് ആവുകയാണ്. നിങ്ങൾ ഒരു കുഴിയിൽ വീണാൽ രക്ഷിക്കാൻ ആര് കൂടെ ചാടും എന്ന ചോദ്യമാണ് സിനിമയുമായി ബന്ധപ്പെട്ട് ഇപ്പോൾ സോഷ്യൽ മീഡിയയിൽ വൈറലാകുന്നത്.
ധാരാളം സോഷ്യൽ മീഡിയ പ്രൊഫൈലുകൾ ഈ പോസ്റ്റ് ഇപ്പോൾ പങ്കുവെച്ചിട്ടുണ്ട്. രസകരമായ കമന്റുകളാണ് ഇതിനൊക്കെ വരുന്നതും. ‘മാതാപിതാക്കൾ’ എന്നാണ് പലരും ഈ പോസ്റ്റുകൾക്ക് താഴെ കമന്റ് ചെയ്യുന്നത്. ചിലരാകട്ടെ ഏറ്റവും അടുത്ത സുഹൃത്തുക്കളുടെ പേരും പങ്കുവെക്കുന്നുണ്ട്. എന്നാൽ രസകരമായ വസ്തുത എന്താണെന്നാൽ ഫയർ ഫോഴ്‌സ് എന്നാണ് ഈ ചോദ്യത്തിന് ഒരു വിഭാഗം ആളുകൾ കമന്റ് ചെയ്യുന്നത്.
അതേസമയം, 241.56 കോടിയാണ് ചിത്രത്തിന്റെ ഇതുവരേക്കുമുള്ള കളക്ഷൻ. മലയാളത്തിലെ ഏറ്റവുമധികം കളക്ഷൻ നേടിയ ചിത്രം എന്ന നേട്ടം മഞ്ഞുമ്മൽ ബോയ്സ് കൈവരിച്ചിട്ടുണ്ട്. ബോക്സോഫീസിൽ രണ്ടാം സ്ഥാനത്ത് നിൽക്കുന്ന ജൂഡ് ആന്റണി ചിത്രം 2018 നേടിയിരിക്കുന്നത് 181 കോടി കളക്ഷനാണ്. തമിഴ്നാട്ടിൽ ലഭിച്ച വലിയ സ്വീകാര്യതയാണ് ഇത്രയും വലിയ കളക്ഷനിലേക്ക് മഞ്ഞുമ്മൽ ബോയ്‌സിനെ കൊണ്ടെത്തിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
