ഒന്നും രണ്ടുമല്ല നീണ്ട മുപ്പത് വര്‍ഷമാണ് സിനിമാപ്രേമികള്‍ക്ക് കാത്തിരിക്കേണ്ടി വന്നത് ഇങ്ങനൊരു വാര്‍ത്ത കേള്‍ക്കാന്‍… സൂപ്പര്‍സ്റ്റാര്‍ രജനികാന്ത് സംവിധായകന്‍ മണിരത്‌നവും വീണ്ടും ഒന്നിക്കുന്നു എന്ന റിപ്പോര്‍ട്ടുകളാണ് ഇപ്പോള്‍ സിനിമാ ലോകത്തെയും ചര്‍ച്ച.
കള്‍ട്ട് ക്ലാസിക്ക് ചിത്രമായ ദളപതിക്ക് ശേഷം അവര്‍ ഒന്നിക്കുന്ന ചിത്രത്തിന്റെ പ്രഖ്യാപനം ഈ വര്‍ഷം ഡിസംബര്‍ 12ന്, രജനീകാന്തിന്റെ പിറന്നാളിന് ഉണ്ടാകുമെന്നാണ് വിവരം. മഹാഭാരതത്തിലെ കര്‍ണനെ മറ്റൊരു വ്യാഖ്യാനമായി എത്തിയ ചിത്രത്തെ തമിഴ് സിനിമ ആരാധകര്‍ മാത്രമല്ല രാജ്യം മുഴുവന്‍ ഏറ്റെടുത്തിരുന്നു.
ഇരുവരും വീണ്ടും ഒന്നിക്കുന്നത് പ്രതീക്ഷയോടെ കാത്തിരുന്നവര്‍ക്ക് ഈ വര്‍ഷം തന്നെ അത്തരമൊരു സന്തോഷവാര്‍ത്ത കേള്‍ക്കാന്‍ കഴിയുമെന്നാണ് കരുതുന്നതെന്ന ദേശീയ മാധ്യമങ്ങടക്കം റിപ്പോര്‍ട്ട് ചെയ്തിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
