അന്താരാഷ്ട്ര യാത്രക്കാർക്ക് ബാ​ഗേജിൽ നിയന്ത്രണം; കർശന നടപടിയുമായി എ​യ​ർ ഇ​ന്ത്യ എ​ക്സ്പ്ര​സ്

അന്താരാഷ്ട്ര യാത്രക്കാർക്ക് ബാ​ഗേജിന്റെ കാര്യത്തിൽ കർശന നിയന്ത്രണവുമായി എ​യ​ർ ഇ​ന്ത്യ എ​ക്സ്പ്ര​സ്. ചെ​ക്കി​ങ് ബാ​ഗേ​ജ്‌ ര​ണ്ട് ബോ​ക്സ്‌ മാ​ത്ര​മാ​ക്കിക്കൊ​ണ്ട്​ പുതിയ ഉത്തരവ് എത്തിയിരിക്കുകയാണ് . ഒ​ക്ടോ​ബ​ർ 29 മു​ത​ൽ നി​യ​മം പ്രാ​ബ​ല്യ​ത്തി​ൽ വ​ന്നു എന്നാണ് ക​മ്പ​നി​യു​ടെ വെ​ബ്സൈ​റ്റി​ൽ പ​റ​യു​ന്ന​ത്. 30 കി​ലോ ചെ​ക്കി​ൻ ബാ​ഗേ​ജ് ര​ണ്ട് ബോ​ക്സി​ൽ ഒ​തു​ക്ക​ണം. അതേസമയം നേരത്തെ എത്ര എ​ണ്ണം വ​രെ​യും കൊ​ണ്ടു​പോ​കു​ന്നതിൽ വിലക്ക് ഉണ്ടായിരുന്നില്ല. തൂ​ക്കം കൃ​ത്യ​മാ​യി​രി​ക്ക​ണം എന്നു മാത്രമായിരുന്നു നിയമം. എന്നാൽ പുതിയ ഉത്തരവ് പ്രകാരം രണ്ട് ബോ​ക്സി​ൽ എല്ലാം ഒതുക്കണം. മാത്രമല്ല ബോ​ക്സു​ക​ൾ കൂ​ടു​ന്നു​ണ്ടെ​ങ്കി​ൽ അനുമതി വാങ്ങുകയും നി​ശ്ചി​ത തു​ക അ​ട​ക്കു​ക​​യും വേ​ണം.

also read: ‘കോൺഗ്രസ് എതിർപ്പ് വകവെക്കാതെ കുഞ്ഞാലിക്കുട്ടി’, കണ്ണൂരിൽ ഇടത് അനുകൂല ട്രസ്റ്റിന്റെ സെമിനാറിൽ മുഖ്യ പ്രഭാഷണം നടത്തി

അതേസമയം ജിസി​സി രാ​ജ്യ​ങ്ങ​ളി​ൽ​നി​ന്ന് ഇ​ന്ത്യ​യി​ലേ​ക്കു​ള്ള സ​ർ​വി​സി​ൽ 30 കി​ലോ ചെ​ക്ക് ഇ​ൻ ബാ​ഗേ​ജും ഏ​ഴ്​ കി​ലോ കാ​ബി​ൻ ബാ​ഗേ​ജുമാണ് എയർ ഇന്ത്യ എക്സ്പ്രസ് അനുവദിച്ചിരിക്കുന്നത്. ഇതിൽ അധിക ല​ഗേജ് കൊണ്ട് പോകണം എങ്കിൽ പണം നൽകണം. അ​ഞ്ച്​ കി​ലോ അ​ധി​ക ബാ​ഗേ​ജി​ന് 16 റി​യാ​ലും 10 കി​ലോ​ക്ക്​ 32 റി​യാ​ലും 15 കി​ലോ​ക്ക്​ 52 റി​യാ​ലും നൽകണമെന്നതാണ് പുതിയ നിയമം.

also read: റോഡ് മുറിച്ചു കടക്കാൻ ശ്രമിക്കുന്ന മുതല; സൗദിയിൽ നിന്നുള്ള വീഡിയോ വൈറൽ