മഹാരാഷ്ട്രയിലെ വിമതരും ഒരേ പേരുള്ളവരും എല്ലാം മുന്നണികള്‍ക് പ്രശ്‌നം സൃഷ്ടിക്കുന്നതിനിടിയില്‍ മഹായുതിയിലും മഹാവികാസ് അഘാഡിയിലുമെല്ലാം സീറ്റ് വിഭജനത്തിലെ തര്‍ക്കത്തിനും അറുതി വന്നിട്ടില്ല. ഈ സാഹചര്യത്തിലാണ് എന്‍ഡിഎ സഖ്യത്തിലെ മറ്റ് ചില അസ്വസ്ഥതകള്‍ കൂടി ജനങ്ങളുടെ മുന്നിലെത്തുന്നത്.
പൂനെ, ബാരാമതി എന്നിവ ഉള്‍പ്പെട്ട പശ്ചിമ മഹാരാഷ്ട്രയിലടക്കം ഉയര്‍ന്ന എന്‍ഡിഎ പ്രചാരണ ബോര്‍ഡുകളിലും പോസ്റ്ററുകളിലും എന്‍സിപി നേതാവും ഉപമുഖ്യമന്ത്രിയുമായ അജിത് പവാര്‍ ഔട്ടായിരിക്കുകയാണ്.
പ്രധാനമന്ത്രി നരേന്ദ്രമോദിയുടെ വലിയ ഫോട്ടോ പോസ്റ്ററിലുണ്ട്. പിന്നെയുള്ളത് മുഖ്യമന്ത്രി ഏക്‌നാഥ് ഷിന്‍ഡേയും മറ്റൊരു ഉപമുഖ്യമന്ത്രിയുമായ ദേവേന്ദ്ര ഫഡ്‌നാവിസുമാണ്.
ഇവിടെയും തീര്‍ന്നില്ല അര്‍ഹരായ സ്ത്രീകള്‍ക്ക് മാസംതോറും 1500 രൂപ നല്‍കുന്ന പദ്ധതിയെ കുറിച്ചുള്ള പരസ്യത്തിലും അജിത് പവാറില്ല. മറ്റൊരു പ്രധാന കാര്യം എന്‍ഡിഎയുടെ ചില പോസ്റ്ററുകളില്‍ മോദിയും ദേവേന്ദ്ര ഫഡ്‌നാവിസും മാത്രമേയുള്ളു എന്നതാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
