ഉപേക്ഷിക്കപ്പെട്ട വാഹനങ്ങൾ നീക്കം ചെയ്യാനൊരുങ്ങി അജ്മാൻ

റോഡരികിലും ബിൽഡിങ്ങുകളുടെ അരികിലുമെല്ലാം പൊടിപിടിച്ച് ഉപേക്ഷിക്കപ്പെട്ട നിലയിൽ കിടക്കുന്ന വാഹനങ്ങൾ നീക്കം ചെയ്യാനൊരുങ്ങി അജ്മാൻ. ഇതുമായി ബന്ധപ്പെട്ട പുതിയ നിയമം പുറപ്പെടുവിച്ചതായി അധികൃതർ അറിയിച്ചു. 30 ദിവസത്തിനുളളിൽ ഇങ്ങനെ ഉപേക്ഷിക്കപ്പെട്ട വാഹനങ്ങൾ കണ്ടുകെട്ടും.

ഏറെ കാലം നിർത്തിയിടുന്ന വാഹനങ്ങൾ സാമൂഹിക വിരുദ്ധരുടെ താവളമാവുന്നതായും ന​ഗരത്തിന്റെ സൗന്ദര്യത്തിന് കോട്ടം തട്ടിക്കുന്നതായും കണ്ടെത്തിയതിന്റെ അടിസ്ഥാനത്തിലാണ് അജ്മാൻ എമിറേറ്റിന്റെ നടപടി.

Also Read: യു എ ഇ യിലെ പൊതുമാപ്പ് പദ്ധതിയിലൂടെ 15000 ഇന്ത്യക്കാർക്ക് സഹായമെത്തിച്ചതായി ദുബായിലെ ഇന്ത്യൻ കോൺസുലേറ്റ്

പുതിയ നിയമപ്രകാരം ഏറെക്കാലം ഉപേക്ഷിക്കപ്പെട്ട നിലയിൽകണ്ടെത്തുന്നവാഹനങ്ങളിൽ അധികൃതർ ആദ്യം മുന്നറിയിപ്പ് സ്റ്റിക്കർ പതിപ്പിക്കും ഏഴ് ദിവസമായിരിക്കും മുന്നറിയിപ്പ് നൽകുക. തുടർന്നും വാഹനം നീക്കം ചെയ്യാതിരുന്നാൽ വാ​ഹനം ഉപേക്ഷിക്കപ്പെട്ടതായി കണക്കാക്കി അവിടെനിന്ന് മുനിസിപ്പാലിറ്റി നീക്കം ചെയ്യും. പിന്നീട് 30 ദിവസത്തിനുളളിൽ ആ വാഹനം ലേലം ചെയ്യുകയും ചെയ്യുമെന്നുമാണ് അധികൃതർ വ്യക്തമാക്കിയിരിക്കുന്നത്.

അ​ബാ​ൻ​ഡ​ൺ​ഡ് വെ​ഹി​ക്കി​ൾ ഡി​സ്പോ​സ​ൽ ക​മ്മി​റ്റി’ എ​ന്ന പേ​രി​ൽ ഒ​രു ക​മ്മി​റ്റി രൂ​പ​വ​ത്​​ക​രി​ച്ചാണ് നടപടി. ഉ​പേ​ക്ഷി​ക്ക​പ്പെ​ട്ട വാ​ഹ​ന​ങ്ങ​ളു​ടെ രേ​ഖ​ക​ള്‍ പ​രി​ശോ​ധി​ക്ക​ൽ, മൂ​ല്യ​നി​ർ​ണ​യം എ​ന്നി​വ ഈ ​ക​മ്മി​റ്റി​യുടെ ചു​മ​ത​ല​യായിരിക്കും. തു​ട​ര്‍ന്ന് പൊ​തു ലേ​ല​ത്തി​ൽ വി​ൽ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ള്‍ക്ക് വി​ധേ​യ​മാ​ക്കും. ലേലത്തിന് മുൻപ് വരെ ഉടമയ്ക്ക് തിരികെ വാഹനം വീണ്ടെടുക്കാൻ അവകാശമുണ്ടാവുമെന്നും അധികൃതർ വ്യക്തമാക്കി.