ഷൂട്ടിങ്ങിനിടെ നടൻ അക്ഷയ് കുമാറിന്റെ കണ്ണിന് പരിക്ക്

ഷൂട്ടിങ്ങിനിടെ ബോളിവുഡ് നടൻ അക്ഷയ് കുമാറിന്റെ കണ്ണിന് പരിക്ക്. മുംബൈയിൽ നടന്ന സിനിമയുടെ ചിത്രീകരണത്തിനിടെയാണ് അക്ഷയ് കുമാറിന്റെ കണ്ണിന് പരിക്കേറ്റത്. ഹൗസ്ഫുൾ 5 എന്ന ചിത്രത്തിനിടെയായിരുന്നു പരിക്ക്.

ഷൂട്ടിങ്ങിനിടെ ആക്ഷൻ രം​ഗങ്ങൾ ചിത്രീകരിക്കുകയായിരുന്നു. അക്ഷയ്‌ കുമാറിന്റെ കണ്ണിൽ ഒരു വസ്തു തട്ടുകയായിരുന്നു. ഉടൻ തന്നെ താരം നേത്ര രോഗ ഡോക്ടറെ കാണുകയായിരുന്നു. തുടർന്ന് പരിശോധനയ്ക്ക് വിധേയമാക്കുകയും ചെയ്തു. എന്നാൽ താരത്തിനേറ്റ പരിക്ക് ​ഗുരുതരമല്ലെന്നും വിശ്രമം അനുവദിച്ചെന്നും അടുത്ത വൃത്തങ്ങൾ സൂചിപ്പിച്ചു.

പരിക്ക് ഭേദമായാൽ ഉടൻ തന്നെ അക്ഷയ്‌ കുമാർ വീണ്ടും ഷൂട്ടിംഗ് ലൊക്കേഷനിൽ തിരികെ വരും. ചിത്രത്തിന്റെ അവസാന ഷൂട്ടിംഗ് ആണ് ഇപ്പോൾ നടക്കുന്നത്. ഈ വർഷം ആദ്യം യൂറോപ്പിലാണ് ഹൗസ്ഫുൾ 5ന്റെ ചിത്രീകരണം തുടങ്ങിയത്.

also read: ‘പൊട്ടു കുത്തെടീ പുടവ ചുറ്റെടീ’; ജഗദീഷിന്റെ വെറൈറ്റി സ്റ്റെപ്പ്, കൂടെ കളിച്ച് ‘ഹലോ മമ്മി’ ടീം
തരുൺ മൻസുഖാനി സംവിധാനം ചെയ്യുന്ന ചിത്രം 2025 ജൂൺ 6 ന് റിലീസ് ചെയ്യും.അഭിഷേക് ബച്ചൻ, റിതേഷ് ദേശ്മുഖ് എന്നിവരും ഹൗസ്ഫുൾ 5 ൽ കേന്ദ്ര കഥാപാത്രങ്ങളായി എത്തുന്നു.കൂടാതെ സഞ്ജയ് ദത്ത്, ഫർദീൻ ഖാൻ, ഡിനോ മോറിയ, ജോണി ലെവൽ, നാനാ പടേക്കർ, സോനം ബജ്‌വ, ചിത്രാംഗദ സിങ്, സൗന്ദര്യ ശർമ്മ എന്നിവരും ചിത്രത്തിൽ അഭിനയിക്കുന്നു.