എല്ലാവർക്കും ആ കഥാപാത്രം ഇഷ്ടമാകും, പുഷ്പ 2 വിലെ ഫഹദിന്റെ റോളിനെ കുറിച്ച് പറഞ്ഞ് അല്ലു അർജുൻ

അല്ലു അർജുൻ ആരാധകർ ഏറെ പ്രതീക്ഷയിൽ കാത്തിരിക്കുന്ന ചിത്രമാണ് ‘പുഷ്പ 2 ദി റൂൾ’.ഡിസംബർ അഞ്ചിന് ആണ് ചിത്രം റിലീസ് ചെയ്യുക.ഇപ്പോഴിതാ സിനിമയുടെ പ്രൊമോഷന്റെ ഭാഗമായി എത്തിയ ചടങ്ങിൽ അല്ലു അർജുൻ ഫഹദിനെ കുറിച്ച് പറഞ്ഞ വാക്കുകൾ ആണ് വൈറലാകുന്നത്.

പുഷ്പ 2 വിൽ ഫഹദ് തകർത്തിട്ടുണ്ടെന്നും എല്ലാവർക്കും ഫഹദിന്റെ കഥാപാത്രം ഇഷ്ടമാകുമെന്നുമാണ് അല്ലു അർജുൻ പറഞ്ഞത്.തന്റെ കരിയറിൽ ആദ്യമായി വലിയൊരു മലയാളി നടനൊപ്പം അഭിനയിച്ചു, ഫഹദ് ഫാസിൽ. അദ്ദേഹത്തെ താൻ ഈ സ്റ്റേജിൽ മിസ് ചെയ്യുന്നുവെന്നും ഞങ്ങൾ ഒരുമിച്ച് ഈ സ്റ്റേജിൽ ഉണ്ടായിരുന്നെങ്കിൽ അത് ഐക്കോണിക്ക് ആകുമായിരുന്നുവെന്നുമാണ് അല്ലു അർജുൻ പറഞ്ഞത്. എല്ലാ മലയാളികൾക്കും ഒരു അഭിമാനമാകും ഫഹദ് ഫാസിൽ’,എന്നും അല്ലു അർജുൻ കൂട്ടിച്ചേർത്തു.

ചിത്രത്തിന്റെ ട്രെയിലറിലും ഫഹദിന് മികച്ച അഭിപ്രായമാണ് ലഭിക്കുന്നത്. പുഷ്പ 2 വിൽ അല്ലുവിനെക്കാൾ സ്കോർ ചെയ്യുന്നത് ഫഹദ് ആയിരിക്കുമെന്നും പ്രേക്ഷകർ പറയുന്നത്.ഭൻവർ സിംഗ് ശെഖാവത്ത് എന്ന വില്ലൻ കഥാപാത്രത്തെയാണ് ഫഹദ് അവതരിപ്പിക്കുന്നത്.

അതേസമയം പ്രീ റിലീസ് ചടങ്ങുകളിൽ പങ്കെടുക്കാൻ എത്തിയ അല്ലു അർജുന് കേരളത്തിൽ കേരളത്തിൽ വല്യ സ്വീകരണമാണ് ലഭിച്ചത്. സുകുമാർ ആണ് ‘പുഷ്പ 2 ദി റൂൾ’ സംവിധാനം ചെയ്യുന്നത്. രശ്മിക മന്ദാന, ഫഹദ് ഫാസിൽ, സുനിൽ, അനസൂയ ഭരദ്വാജ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.