ന്യൂനപക്ഷ സംവരണം അനുവദിക്കില്ലെന്ന് കേന്ദ്ര ആഭ്യന്തരമന്ത്രി അമിത്ഷാ. ഒബിസി, എസ്‌സി, എസ്ടി സംവരണം തട്ടിയെടുത്ത് ന്യൂനപക്ഷങ്ങള്‍ക്ക് നല്‍കാന്‍ അനുവദിക്കില്ലെന്നും കേന്ദ്രമന്ത്രി വ്യക്തമാക്കി. ജാര്‍ഖണ്ഡിലെ പലമുവില്‍ ജനക്കൂട്ടത്തെ സംബോധന ചെയ്ത് സംസാരിക്കുകയായിരുന്നു മന്ത്രി.
മതത്തിന്റെ അടിസ്ഥാനത്തിലുള്ള സംവരണം ബിജെപി അനുവദിക്കില്ലെന്നും അമിത്ഷാ പറഞ്ഞു. ഒരു സംഘം ഉലമകള്‍ കോണ്‍ഗ്രസിന് മുസ്ലീങ്ങള്‍ക്ക് പത്ത് ശതമാനം സംവരണം വേണമെന്ന് ആവശ്യപ്പെട്ട് നിവേദനം നല്‍കിയിട്ടുണ്ടെന്നും അതിന് കോണ്‍ഗ്രസ് പിന്തുണ നല്‍കുന്നുണ്ടെന്നും അമിത് ഷാ പറഞ്ഞു.
പിന്നോക്ക വിഭാഗങ്ങളുടെയും ദളിതരുടെയും ആദിവാസി വിഭാഗത്തില്‍പ്പെട്ടവരെയും ബാധിക്കുമെന്നും ബിജെപി ഭരണത്തില്‍ മതാടിസ്ഥാനത്തിലുള്ള സംവരണം കൊണ്ടുവരാന്‍ ശ്രമിച്ചാല്‍ അതിനെ എതിര്‍ക്കുമെന്നും അമിത്ഷാ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
