അല്ലു അർജുനുമായി തന്നെ താരതമ്യം ചെയ്യരുതെന്ന് അമിതാഭ് ബച്ചൻ 

അല്ലു അർജുനുമായി തന്നെ താരതമ്യം ചെയ്യരുതെന്ന് അമിതാഭ് ബച്ചൻ. സൗത്ത് ഇന്ത്യൻ സ്റ്റാർ അല്ലു അർജുൻ അഭിനയിച്ച പുഷ്പ 2  ബോക്സ് ഓഫീസിൽ നിരവധി റെക്കോർഡുകൾ തകർത്ത് മുന്നേറുമ്പോഴാണ്‌ അമിതാഭ് ബച്ചൻ നടത്തിയ പരാമർശം ശ്രദ്ധ നേടുന്നത്. 

അടുത്തിടെ തന്റെ ക്വിസ് ഷോയായ കോൻ ബനേഗ ക്രോർപതിയുടെ ഫ്ലോറിലാണ് അമിതാഭിന്റെയും  അല്ലുവിന്റേയും ആരാധകനായ മത്സരാർത്ഥി ഇരുവരെയും വാനോളം പുകഴ്ത്തിയത് . 

അല്ലു അർജുന് ലഭിച്ച അംഗീകാരം അർഹിക്കുന്നതാണെന്നും ‘പുഷ്പ 2’  ഇത് വരെ കണ്ടിട്ടില്ലെങ്കിൽ കാണേണ്ട ചിത്രമാണെന്നും  അമിതാഭ് ബച്ചൻ പറഞ്ഞു. അതെ സമയം അല്ലുവിനെ താനുമായി താരതമ്യം ചെയ്യരുതെന്നും അഭ്യർത്ഥിച്ചു.

തന്റെ ജീവിതത്തിലും കരിയറിലും വലിയ പ്രചോദനമാണ് ബച്ചനെന്ന് അല്ലു അർജുൻ നേരത്തെ പറഞ്ഞിരുന്നു. അല്ലു അർജുന്റെ ആരാധനയ്ക്ക് മറുപടിയായി ബച്ചൻ സോഷ്യൽ മീഡിയയിൽ  നന്ദിയും  രേഖപ്പെടുത്തിയിരുന്നു. പുഷ്പ രണ്ടാം ഭാഗത്തിന് മുംബൈയിൽ സമ്മിശ്ര പ്രതികരണമാണ്. ആദ്യ ഭാഗത്തിന്റെ ആവേശം രണ്ടാം ഭാഗത്തിന് ലഭിച്ചിട്ടില്ല. 

also read: പക്കാ ഹോളിവുഡ് സ്റ്റൈൽ ഇൻവെസ്റ്റിഗേഷൻ ആക്ഷൻ ചിത്രവുമായി ടൊവിനോ, ‘ഐഡന്റിറ്റി’ ജനുവരി രണ്ടിന്

എന്നാൽ മോഹൻലാൽ  ആദ്യമായി  സംവിധാനം ചെയ്ത ബറോസ് എന്ന ത്രീഡി  ചിത്രത്തോട് ബച്ചൻ അടക്കമുള്ള ബോളിവുഡ് താരങ്ങൾ ഇത് വരെ പ്രതികരിച്ചിട്ടില്ല. മോഹൻലാലിനോടൊപ്പം  ഒരു  മലയാള ചിത്രത്തിൽ ബച്ചൻ അഭിനയിച്ചിട്ടുമുണ്ട്.  മുംബൈയിലെ നാല് കേന്ദ്രങ്ങളിലാണ് ബറോസ് ഹിന്ദി പതിപ്പ് പ്രദർശിപ്പിക്കുന്നത്.