കർണാടകയിൽ തഹസിൽദാറുടെ ചേംബറിൽ ജീവനക്കാരനെ മരിച്ച നിലയിൽ കണ്ടെത്തി. ബെലഗാവി ജില്ലാ ആസ്ഥാനത്തെ തഹസീൽദാർ ഓഫീസിലാണ് സംഭവമുണ്ടായത്. സെക്കൻഡ് ഡിവിഷൻ അസിസ്റ്റൻഡായ രുദ്രണ്ണ(35)യെയാണ് ചേംബറിനുള്ളിൽ മരിച്ചനിലയിൽ കണ്ടെത്തിയത്. ആത്മഹത്യാക്കുറിപ്പൊന്നും ഇതുവരെ കണ്ടെടുത്തിട്ടില്ലെന്നും, മരണത്തിൽ അന്വേഷണം ആരംഭിച്ചതായും പൊലീസ് വ്യക്തമാക്കി.
Also Read; തെരഞ്ഞെടുപ്പിനായി പണം? പാലക്കാട് അർദ്ധരാത്രിയിൽ കോൺഗ്രസ് നേതാക്കളുടെ മുറിയിൽ റെയ്ഡ്
ഇക്കഴിഞ്ഞ ചൊവ്വാഴ്ച രാവിലെയായിരുന്നു തഹസിൽദാറുടെ ചേംബറിനുള്ളിൽ ഒരാൾ തൂങ്ങിമരിച്ചെന്നുള്ള വിവരം ലഭിച്ചതെന്ന് മുതിർന്ന പൊലീസ് ഉദ്യോഗസ്ഥൻ പറഞ്ഞു. ഉടൻതന്നെ സംഭവസ്ഥലത്തെത്തുകയും ചെയ്തു. നീളമുള്ള തുണി ഉപയോഗിച്ചാണ് ഇയാൾ തൂങ്ങിയിരുന്നതെന്നും, ഇത്തരമൊരു പ്രവൃത്തിയിലേക്ക് രുദ്രണ്ണയെ നയിക്കാനിടയാക്കിയ കാരണം കണ്ടെത്തിയിട്ടില്ലെന്നും പൊലീസ് വ്യക്തമാക്കി.
രുദ്രണ്ണയുടെ കുടുംബത്തിന്റെ പരാതിയിൽ പൊലീസ് കേസെടുത്തിട്ടുണ്ട്. സംഭവത്തിൽ ഫോറൻസിക് വിദഗ്ധരും മറ്റ് അന്വേഷണ ഉദ്യോഗസ്ഥരും ചേർന്ന് വിശദമായ പരിശോധന നടത്തും.
News summary; An employee was found dead in the Tehsildar’s chamber in Karnataka
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
