കൂട്ടംതെറ്റി; പാലക്കാട് ജനവാസമേഖലയില്‍ വീണ്ടും കുട്ടിയാന

പാലക്കാട് കഞ്ചിക്കോട് ജനവാസമേഖലയില്‍ വീണ്ടും കുട്ടിയാന സാന്നിധ്യം .വല്ലടി ആരോഗ്യമല, വേലഞ്ചേരി മുരുക്കുത്തി മല മേഖലകളിലാണ് കുട്ടിയാനയെ കണ്ടത്.കഴിഞ്ഞ രണ്ടാഴ്ചയോളമായി കുട്ടിയാന ഈ മേഖലയിലുണ്ടെന്ന് പ്രദേശവാസികൾ പറയുന്നു.

Also Read:അട്ടപ്പാടിയിൽ അമ്മയെ കാത്തിരുന്നിരുന്ന കുട്ടിയാന ചരിഞ്ഞു

ആനകൂട്ടത്തിൽ നിന്നും കൂട്ടം തെറ്റിയ കുട്ടിയാനയാണ് . രണ്ടരവയസ്സുള്ള കുട്ടിയാനയുടെ അമ്മയാന ചരിഞ്ഞിരിക്കാമെന്നാണ് വനംവകുപ്പിന്റെ നി​ഗമനം. പ്രദേശവാസികള്‍ക്ക് ബുദ്ധിമുട്ടും ഉണ്ടാക്കാത്ത നിലയിലാണ് കുട്ടിക്കൊമ്പന്റെ സഞ്ചാരമെങ്കിലും ആരോഗ്യ പ്രശ്‌നങ്ങളുണ്ടായിരിക്കാം എന്ന് നാട്ടുകാർ സംശയം പ്രകടിപ്പിക്കുന്നത്.

Also Read:“കല്ലുവെട്ടി നടന്നവനെ കെഎഎസിലേക്കെത്തിച്ച അടാട്ട് മാഷ്”; ഫേസ്ബുക്ക് പോസ്റ്റ് ശ്രദ്ധേയമാകുന്നു

ആനക്കൂട്ടം കുട്ടിയാനക്ക് അകലെയല്ലാതെ ഉണ്ടെന്നാണ് വനം വകുപ്പിന്റെ കണ്ടെത്തൽ. കുട്ടിക്കൊമ്പൻ തങ്ങളുടെ നിരീക്ഷണത്തിലാണെന്നും ആരോഗ്യ പ്രശ്നങ്ങൾ ഉണ്ടോയെന്ന് നിരീക്ഷിച്ചു വരികയാണെന്നും പാലക്കാട് ഡിഎഫ്ഒ പറഞ്ഞു. അധികം വൈകാതെ ആനക്കൂട്ടത്തിനൊപ്പം കുട്ടിയാന ചേരുമെന്ന പ്രതീക്ഷയിലാണ് വനംവകുപ്പ്.