ലോകകപ്പ് യോഗ്യതാ മത്സരത്തിൽ ബൊളീവിയയെ ആറ് ഗോളിന് തകർത്ത് അർജന്റീനക്ക് തകർപ്പൻ ജയം. കളിക്കളത്തിൽ പൂണ്ട് വിളയാടുകയായിരുന്നു സൂപ്പർതാരം ലയണൽ മെസ്സി. രണ്ട് അസിസ്റ്റും ഹാട്രിക് ഗോളുകളുമായി കളം നിറയുകയായിരുന്നു താരം. സ്വന്തം തട്ടകത്തിൽ നടന്ന മത്സരത്തിൽ അർജന്റീനക്ക് വേണ്ടി മെസ്സിക്കൊപ്പം ലൗട്ടാരോ മാര്‍ട്ടിനസ്, ജൂലിയന്‍ അല്‍വാരസ്, തിയാഗോ അല്‍മാഡ എന്നിവരും വലകുലിക്കി.
Also Read: അരങ്ങേറ്റക്കാരന്‍ ദുനിത്‌ തീയായി; ടി20യില്‍ വെസ്റ്റ്‌ ഇന്‍ഡീസിനെ കറക്കി വീഴ്‌ത്തി ശ്രീലങ്ക
ലൗട്ടാരോ മാര്‍ട്ടിനസിന്റെ അസിസ്റ്റിൽ 19-ാം മിനിറ്റിൽ മെസ്സിയാണ് ഗോൾവേട്ടക്ക് തുടക്കമിട്ടത്. 43-ാം മിനിറ്റിൽ മെസ്സിയുടെ അസിസ്റ്റിൽ മാര്‍ട്ടിനസ് ലീഡ് ഉയർത്തി. ആദ്യ പകുതി അവസാനിക്കാറായപ്പോൾ വീണ്ടും മെസ്സി നൽകിയ അസിസ്റ്റിൽ ജൂലിയന്‍ അല്‍വാരസ് വലകുലുക്കി.
Also Read: തനിക്കെതിരെയുള്ള പീഡന പരാതി ‘ഫേക്ക് ന്യൂസ്’; ആരോപണത്തിൽ പ്രതികരിച്ച് എംബാപ്പെയും ക്ലബ്ബും
രണ്ടാം പകുതിയിൽ ആക്രമിച്ചു കളിച്ച അർജന്റീനക്ക് വേണ്ടി നാഹുവൽ മൊലിനയുടെ അസിസ്റ്റിൽ തിയാഗോ അല്‍മാഡ നാലാം ഗോൾ നേടി. 84-ാം മിനിറ്റിലും 86-ാം മിനിറ്റിലും മെസ്സിയുടെ ഗോളുകൾ. ഹാട്രിക്ക് തികച്ച് മെസ്സി അർജന്റീന 6-0.
10 മത്സരങ്ങളിൽ നിന്ന് 22 പോയിന്റുള്ള അർജന്റീന ലോകകപ്പ് യോഗ്യതാ പട്ടികയിൽ ഒന്നാം സ്ഥാനത്ത് തുടരുകയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
