വിവാദ പ്രസ്താവനയുമായി അസം മുഖ്യമന്ത്രി ഹിമന്ത ബിശ്വ ശർമ. എല്ലാ പുതിയ ആധാർ അപേക്ഷകരും അവരുടെ എൻആർസി അപേക്ഷാ രസീത് നമ്പർ സമർപ്പിക്കണമെന്ന് മുഖ്യമന്ത്രി ഹിമന്ത ബിശ്വ ശർമ. അനധികൃത കുടിയേറ്റം തടയുന്നതാണ് പുതിയ നിർദേശമെന്നാണ് മുഖ്യമന്ത്രിയുടെ വാദം. അസമിലെ ജനസംഖ്യയേക്കാൾ കൂടുതലാണ് ആധാർ കാർഡിനുള്ള അപേക്ഷകളെന്നും സംശയാസ്പദമായ പൗരന്മാർ ഉണ്ടെന്നാണ് ഇത് സൂചിപ്പിക്കുന്നതെന്നുമാണ് അസം മുഖ്യമന്ത്രിയുടെ വാദം. അതിനാൽ, പുതിയ അപേക്ഷകർ അവരുടെ എൻആർസി അപേക്ഷാ രസീത് നമ്പരുംകൂടി അതിനൊപ്പം സമർപ്പിക്കണമെന്നാണ് പുതിയ നിർദേശം.
അസമിൽ ഇനി ആധാർ ലഭിക്കുക എളുപ്പമല്ലെന്നും ഹിമന്ത ബിശ്വ ശർമ്മ കൂട്ടിച്ചേർത്തു. രണ്ട് മാസത്തിനിടെ നിരവധി ബംഗ്ലാദേശികളെ പിടികൂടി അയൽരാജ്യത്തെ അധികാരികൾക്ക് കൈമാറിയെന്നും അനധികൃത വിദേശികളെ തിരിച്ചറിയാനുള്ള നടപടികൾ ഊർജിതമാക്കുമെന്നും അസം മുഖ്യമന്ത്രി ഹിമന്ത പറഞ്ഞു. ആധാർ കാർഡ് ലഭിക്കാൻ എൻ ആർ സി രജിസ്റ്റർ നമ്പർ കൂടി നൽണമെന്ന അസം സർക്കാരിന്റെ നിർദേശം ഇതിനോടകം തന്നെ വലിയ വിമർശനങ്ങൾക്ക് വിമർശനങ്ങൾക്ക്വഴി വെച്ചിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
