ബെംഗളൂരു ആസ്ഥാനമായുള്ള ഇലക്ട്രിക് വെഹിക്കിളാണ് ഏഥര്‍ സ്‌കൂട്ടറുകള്‍. വിപണിയില്‍ ഏറെ ശ്രദ്ധ നേടാന്‍ ഏഥര്‍ സ്‌കൂട്ടറുകള്‍ക്കായിട്ടുണ്ട്. കമ്പനി ആകര്‍ഷകമായ ഇയര്‍ എന്‍ഡര്‍ ഓഫര്‍ പ്രഖ്യാപിച്ചിരിക്കുകയാണ് ഇപ്പോള്‍. ഏഥര്‍ 450എസ്, 450 എക്‌സ് സ്‌കൂട്ടറുകള്‍ക്കാണ് ആകര്‍ഷകമായ ഓഫര്‍.
24,000 രൂപയാണ് ഈ രണ്ട് മോഡലുകള്‍ക്കും ഡിസ്‌ക്കൗണ്ടായി കമ്പനി പ്രഖ്യാപിച്ചത്. ഇലക്ട്രിക് സ്‌കൂട്ടറുകൾക്ക് 6,500 രൂപ ക്യാഷ് ബെനഫിറ്റുകൾ ഉൾപ്പെടെയാണ് 24,000 രൂപ വരെയുള്ള ആനുകൂല്യം. 5,000 രൂപയോടൊപ്പം കോർപ്പറേറ്റ് ആനുകൂല്യമായാണ് 1,500 രൂപ അധികമായി കമ്പനി നല്‍കുന്നത്.
ഈ ഓഫറുകൾ 2023 ഡിസംബർ 31 വരെയാണെന്ന് ഏഥര്‍ ഔദ്യോഗികമായി അറിയിച്ചു. കൂടാതെ, ഉപഭോക്താക്കൾക്ക് പ്രതിവർഷം 5.99% എന്ന കുറഞ്ഞ പലിശ നിരക്കും ലഭ്യമാവും. ഇഎംഐ പലിശയിൽ 12,000 രൂപ വരെ ലാഭിക്കാന്‍ സാധിക്കുന്നത് ഇയര്‍ എന്‍ഡര്‍ ഓഫറിലെ സവിശേഷതയാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
