ദില്ലിയെ ഇനി അതിഷി നയിക്കും: പുതിയ മുഖ്യമന്ത്രിയെ പ്രഖ്യാപിച്ച് ആം ആദ്മി പാർട്ടി

അതിഷി മർലേന ദില്ലിയുടെ പുതിയ മുഖ്യമന്ത്രിയാവും. ആം ആദ്മി പാർട്ടി ഇക്കാര്യം ഔദ്യോഗികമായി പ്രഖ്യാപിച്ചു. ദില്ലി മുഖ്യമന്ത്രിയാകുന്ന മൂന്നാമത്തെ വനിതാ കൂടിയാകും അതിഷി. അരവിന്ദ് കെജ്രിവാളിന്റെ പിൻഗാമി ആരായിരിക്കുമെന്നതിനുള്ള ഉത്തരം ഇതോടെ ലഭിച്ചിരിക്കുകയാണ്.സുഷമ സ്വരാജിനും ഷീല ദീക്ഷിതിനും ശേഷമാണ് ഈ പദവിയിലേക്ക് എത്തുന്ന വനിതയായി അതിഷി മാറുന്നത്. ദില്ലി കാൽക്കാജി മണ്ഡലത്തിൽ നിന്നുള്ള എംഎൽഎയാണ് അതിഷി.

ALSO READ; മലപ്പുറത്തെ നിപ രോഗബാധയിൽ ആശങ്കപ്പെടേണ്ട സാഹചര്യമില്ല, സംഭവവുമായി ബന്ധപ്പെട്ട് ഇന്ന് കേന്ദ്ര ആരോഗ്യമന്ത്രിയെ കാണും; മന്ത്രി വീണാ ജോർജ്

മദ്യനയക്കേസിൽ ജയിൽ മോചിതനായ ശേഷം വളരെ അപ്രതീക്ഷിതമായാണ് കെജ്രിവാൾ രാജി പ്രഖ്യാപിച്ചത്. പാർട്ടി ആസ്ഥാനത്ത് പ്രവർത്തകരെ അഭിസംബോധന ചെയ്യവേ , അപ്രതീക്ഷിതമായാണ് അരവിന്ദ് കെജരിവാൾ മുഖ്യമന്ത്രി സ്ഥാനത്ത് നിന്നുള്ള രാജി പ്രഖ്യാപിച്ചത്. എംഎൽഎമാർ യോഗം ചേർന്ന് പുതിയ മുഖ്യമന്ത്രിയെ തീരുമാനിക്കുമെന്നും താൻ അഗ്നി ശുദ്ധി വരുത്തിയ ശേഷം ജനവിധി അനുകൂലമായാൽ മാത്രം മുഖ്യമന്ത്രി സ്ഥാനത്തേക്ക് വരുമെന്നും കെജ്രിവാൾ പറഞ്ഞിരുന്നു.

ALSO READ; സ്മാർട്ട്ഫോണിൽ സ്റ്റോറേജ് ഫുൾ ആണോ? എങ്കിൽ ഇക്കാര്യങ്ങൾ ഒന്ന് പരീക്ഷിക്കൂ…

ഇതിന് പിന്നാലെ പുതിയ മുഖ്യമന്ത്രിയെ കണ്ടെത്താനുള്ള തിരക്കിട്ട ചർച്ചകളിൽ ആയിരുന്നു ആം ആദ്മി പാർട്ടി.  അതിഷിക്ക് പുറമേ  ഗോപാൽ റായ് , കൈലാഷ് ഗെഹ്ലോട്ട് എന്നിവരുടെ പേരുകളും പരിഗണനയിൽ ഉണ്ടായിരുന്നു.