യുപിയിൽ ഹോളി ആഘോഷത്തിനിടെ യുപിയിൽ മുസ്ലിം കുടുംബത്തിനെ തടഞ്ഞു നിർത്തി ദേഹത്ത് നിറങ്ങളൊഴിച്ചു. ബൈക്കിൽ യാത്ര ചെയ്യുന്നതിനിടയിലായിരുന്നു മൂന്ന് പേരടങ്ങുന്ന മുസ്ലിം കുടുംബത്തിന് നേരെ ആക്രമണം ഉണ്ടായത്. ജയ് ശ്രീറാം ഹര ഹര മഹാദേവ് എന്ന് വിളിച്ചുകൊണ്ടാണ് പ്രായപൂർത്തിയാകാത്ത കുട്ടികൾ അടങ്ങുന്ന സംഘം മുസ്ലിം കുടുംബത്തിന് നേരെ ചായം കലക്കിയ വെള്ളം ഒഴിച്ചത്.
മാർച്ച് 20 ന് ധാംപൂരിലാണ് സംഭവം നടന്നത്. ഇതിന്റെ വീഡിയോ സമൂഹ മാധ്യമങ്ങളിൽ ഇപ്പോൾ ചർച്ചയായിട്ടുണ്ട്. സംഭവത്തിൽ ഒരാൾക്കെതിരെ പൊലീസ് കേസെടുത്തിട്ടുണ്ട്. അക്രമത്തിൽ ഉൾപ്പെട്ട മൂന്ന് പേർ പ്രായപൂർത്തിയാകാത്തവരാണ് എന്നാണ് പൊലീസ് പറയുന്നത്. അക്രമത്തിന്റെ വീഡിയോ സമൂഹ മാധ്യമങ്ങളിൽ വൈറലായതിനു പിറകെയാണ് സംഭവത്തിൽ പൊലീസ് കേസെടുത്തത്.
അതേസമയം, ഇതാണോ നിങ്ങൾ പറഞ്ഞ മോദി ഗ്യാരന്റി എന്നാണ് സമൂഹ മാധ്യമങ്ങൾ ഈ വിഷയത്തിൽ ചോദിക്കുന്നത്. രാജ്യത്തെ മൈനോറിറ്റി വിഭാഗത്തെ സംരക്ഷിക്കാതെ അവരെ സദാ വേട്ടയാടുന്നതാണോ ബിജെപി നൽകുന്ന വാഗ്ദാനം എന്നും സോഷ്യൽ മീഡിയ ചോദിക്കുന്നു.
#UttarPradesh: In #Bijnor district, a Muslim family riding a bike was forcibly coloured. Bijnor police started the investigation. The SP directed to identify the boys seen in the video. (1/2)#Holi2024 #HoliFestival #HOLIHAI#HolikaDahan2024pic.twitter.com/dUjI7ejusE
— Siraj Noorani (@sirajnoorani) March 24, 2024
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
