അക്രമികൾ കോൺഗ്രസ് കൂലിക്കെടുത്ത ചാവേറുകൾ: എ കെ ബാലൻ

അക്രമികൾ കോൺഗ്രസ് കൂലിക്കെടുത്ത ചാവേറുകളെന്ന് മുൻ മന്ത്രി എ കെ ബാലൻ. നവകേരള സദസ്സിലേക്ക് പോയ ബസിന് നേരെ ഉണ്ടായ ഷൂ ഏറിനെക്കുറിച്ച് പ്രതികരിക്കുകയായിരുന്നു അദ്ദേഹം. മുഖ്യമന്ത്രി സഞ്ചരിച്ച വിമാനത്തിനുള്ളിൽ കയറി കരിങ്കൊടി കാട്ടി മുഖ്യമന്ത്രിയെ ആക്രമിക്കാൻ ശ്രമിച്ച കോൺഗ്രസിൽ നിന്ന് ഇത് പ്രതീക്ഷിക്കാവുന്നതാണെന്നും അദ്ദേഹം പറഞ്ഞു.

ALSO READ: എൽഡിഎഫിന് തുടർഭരണം ലഭിക്കുമ്പോൾ പ്രതിപക്ഷ നേതാവിന്റെ സ്ഥാനത്ത് സതീശനുണ്ടാകില്ല: പി എ മുഹമ്മദ് റിയാസ്

രാജ്യത്തിന്റെ ചരിത്രത്തിലെ തന്നെ ആദ്യത്തെ സംഭവങ്ങളാണ് നടക്കുന്നത്. അതിന് നേതൃത്വം കൊടുത്ത് ചാവേറുകളെ ഉപയോഗിച്ച് രാജ്യത്തെ നിയമ സംവിധാനത്തെ തന്നെ തകർക്കാനാണ് കോൺഗ്രസ് ശ്രമിക്കുന്നത്. ഈ ജനകീയ സദസും അതിന്റെ വാഹനവും ഒരു കാരണവശാലും തിരുവനന്തപുരത്ത് എത്താതിരിക്കാനുള്ള ശ്രമങ്ങളാണ് കോൺഗ്രസ് നടത്തുന്നത്. അതിനായാണ് ഇങ്ങനെയുള്ള തന്ത്രങ്ങൾ അവർ ആലോചിച്ചു നടപ്പിലാക്കുന്നത്.

ALSO READ: കെഎസ്‌യു സമനില തെറ്റിയ ക്രിമിനല്‍ പ്രവര്‍ത്തനത്തിലാണ് ഇപ്പോള്‍ ഏര്‍പ്പെട്ടിരിക്കുന്നത്: എം.എ ബേബി

കോൺഗ്രസിനൊപ്പം നിൽക്കുന്ന വലിയൊരു ജനവിഭാഗവും നേതാക്കളും നവകേരള സദസിനെ അംഗീകരിച്ചും പ്രകീർത്തിച്ചും രംഗത്തുവന്നിരിക്കുന്നത് കോൺഗ്രസിന്റെ സമനില തെറ്റിച്ചു. അതാണ് ഇത്തരം അക്രമങ്ങൾ നടത്താൻ ചാവേറുകളെ നിയോഗിക്കുന്നതിലേക്ക് കോൺഗ്രസിനെ കൊണ്ടെത്തിച്ചതെന്നും അദ്ദേഹം പറഞ്ഞു.