മലബാറിലെ യുവതലമുറയിലെ പെണ്‍കുട്ടികളുടെ പ്രതിനിധിയായി ഫെമിനിച്ചി ഫാത്തിമയില്‍ ഷാന എന്ന കഥാപാത്രം അവതരിപ്പിച്ച ബബിത ബഷീര്‍ പ്രേക്ഷകരെ ഒറ്റൊറ്റ സീനില്‍ ചിരിപ്പിക്കുകയും ചിന്തിപ്പിക്കുകയും ചെയ്ത് പ്രേക്ഷക ശ്രദ്ധ കവരുകയാണ്. യാഥാസ്ഥിത കുടുംബങ്ങളിലെ പെണ്‍കുട്ടിയുടെ നേര്‍ ചിത്രം തന്റെ അഭിനയ മികവിലൂടെ പ്രകടിപ്പിച്ച ബബിത ബഷീര്‍ എന്ന അഭിനേത്രി കഥാപാത്ര മികവിലൂടെ കൈയ്യടി അര്‍ഹിക്കുന്നുണ്ട്.
ALSO READ: ഒഡിഷയില്‍ ബസ് മറിഞ്ഞ് മൂന്ന് തീര്‍ത്ഥാടകര്‍ മരിച്ചു; 30 പേര്‍ക്ക് ഗുരുതരം!
ഐ.എഫ്.എഫ്.കെയില്‍ ഏറെ നിരൂപകപ്രശംസയും, അഞ്ച് അവാര്‍ഡുകള്‍ വാരിക്കൂട്ടുകയും ചെയ്ത ഫെമിനിച്ചി ഫാത്തിമയിലെ തന്റെ റോള്‍ മികവുറ്റതാക്കി മാറ്റുന്നുണ്ട് ബബിത. ട്യൂഷന്‍ വീട് എന്ന വെബ് സീരീസിലൂടെ തനി നാടന്‍ ട്യൂഷന്‍ ടീച്ചറായി ഏറെ ശ്രദ്ധേയമായ വേഷം കൈകാര്യം ചെയ്യുന്ന ബബിത ബിഗ് സ്‌ക്രീനിലും നിരവധി പ്രത്യക്ഷപ്പെട്ടിട്ടുണ്ട്. ട്യൂഷന്‍ വീട്ടില്‍ കുട്ടികളുടെ കുറുമ്പുകള്‍ക്കൊപ്പം ചേര്‍ന്ന് നില്‍ക്കുമ്പോഴും നിശബ്ദമായൊരു പ്രണയവും മനസില്‍ സൂക്ഷിക്കുന്ന കഥാപാത്രം നമ്മുടെ അയല്‍പക്കത്തെ യുവതിയുടെ നേര്‍ ചിത്രമാണ്.
ALSO READ: ഇടുക്കിയിൽ കാട്ടാന ആക്രമണത്തിൽ യുവാവ് മരിച്ചു; സംഭവത്തില്‍ റിപ്പോര്‍ട്ട് തേടി വനം മന്ത്രി
മന്ദാകിനി, ജാക്‌സന്‍ ബസാര്‍, കായ്‌പോള, പത്മ, സന്തോഷം, ഓ മൈ ഡാര്‍ലിങ്, ഇന്ദിര, ഓര്‍മ്മയില്‍ ഒരു ശിശിരം എന്നീ സിനിമകളിലും ശ്രദ്ധേയമായ വേഷങ്ങള്‍ കൈകാര്യം ചെയ്തിട്ടുണ്ട്. നിരവധി വെബ് സീരീസുകളിലും, പരസ്യചിത്രങ്ങളിലും പ്രധാന കഥാപാത്രമായി എത്തിയ ബബിത ആങ്കറിങ്ങില്‍ കേരളത്തിലെ ശ്രദ്ധേയ സാന്നിദ്ധ്യമാണ്. കേരളത്തിലെ പ്രധാന സ്വകാര്യ ചാനലുകളിലും, വിദ്യാഭ്യാസ വകുപ്പിന്റെ വിക്ടേഴ്‌സ് ചാനലിലും അവതാരകയായി പ്രവര്‍ത്തിച്ചിട്ടുണ്ട്.
പ്രധാന ഓണ്‍ലൈന്‍ ചാനലുകളിലും സെലിബ്രിറ്റി ഇന്റെര്‍വ്യൂവറായി പരിചയ സമ്പത്തുള്ള ബബിത മലബാര്‍ ഗോള്‍ഡ്, മൈജി, ചെമ്മന്നൂര്‍, തുടങ്ങി പ്രമുഖ ബ്രാന്റുകളുടെ സ്ഥിരം അവതാരകയാണ്. നാടന്‍ വേഷങ്ങളും, മോഡേണ്‍ സ്‌റ്റൈലിലും ഒരു പോലെ തിളങ്ങാന്‍ കഴിയുമെന്നതാണ് ബബിതയുടെ സവിശേഷത. ഫെമിനിച്ചി ഫാത്തിമയിലൂടെ കൂടുതല്‍ വേഷങ്ങള്‍ ബിഗ് സ്‌ക്രീനില്‍ നിന്നും തന്നെ തേടിയെത്തുമെന്ന പ്രതീക്ഷയിലാണ് ഈ യുവ അഭിനേത്രി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
