പരിമിതികൾ വേട്ടയാടുന്നു! രോഗവിവരം തുറന്ന് പറഞ്ഞ് സൈന നെഹ്‌വാൾ

തനിക്ക് സന്ധിവാതം ബാധിച്ചെന്ന് ബാഡ്മിന്റൺ താരം സൈന നെഹ്‌വാൾ. കാൽ മുട്ടിലെ വേദന പരിശീലനത്തിനടക്കം വെല്ലുവിളി സൃഷ്ടിക്കുന്നുവെന്നും താരം പറഞ്ഞു. ഈ വർഷം അവസാനത്തോടെ വിരമിക്കൽ പ്രഖ്യാപിക്കുന്നതടക്കമുള്ള നിർണ്ണായക തീരുമാനങ്ങളിലേക്ക് സൈന കടന്നേക്കുമെന്നും റിപ്പോർട്ടുകൾ ഉണ്ട്.

ALSO READ: സെപ്തംബറിലെ പകുതി ദിവസങ്ങളും ബാങ്ക് അവധിയോ? അറിയാം ഈ മാസത്തിലെ ബാങ്ക് അവധി ദിനങ്ങൾ

“കാൽ മുട്ടിന് പ്രശ്നം നേരിടുന്നുണ്ട്. ഞാൻ ആർത്രൈറ്റിസ് രോഗ ബാധിതയാണ്. നിലവിലെ അവസ്ഥയിൽ 8-9 മണിക്കൂർ തള്ളി നീക്കുക എന്നത് ബുദ്ധിമുട്ടാണ്.  ഉയർന്ന തലത്തിലുള്ള കളിക്കാരുമായി കളിക്കാനും മികച്ച പ്രകടനം കാഴ്ചവെക്കാനും 2 മണിക്കൂർ പരിശീലനം മതിയാകില്ല,”- സൈന പറഞ്ഞു. ഇന്ത്യയുടെ ഷെഫ് ഡി മിഷനായിരുന്ന ഗഗൻ നാരംഗിൻ്റെ ഹൗസ് ഓഫ് ഗ്ലോറി പോഡ്‌കാസ്റ്റിൽ ആയിരുന്നു സൈനയുടെ പ്രതികരണം.

ALSO READ: ‘അതിജീവനത്തിന്റെ പടവുകളിൽ ഒരു പ്രധാന ചുവടുവയ്പ്’; മേപ്പാടി സ്കൂളിലെ പുനഃപ്രവേശനോത്സവത്തെ ആശംസകളുമായി മുഖ്യമന്ത്രി

അതേസമയം സൈന ഉടൻ വിരമിക്കൽ പ്രഖ്യാപിക്കുമോ എന്ന അഭ്യൂഹം വളരെ ശക്തമാണ്. ഈ വർഷം അവസാനത്തോടെ താരം കരിയർ അവസാനിപ്പിച്ചേക്കും എന്നാണ് റിപ്പോർട്. എന്നാൽ ഇത്തരം വാർത്തകളോട് ഒന്നും തന്നെ സൈന പ്രതികരിച്ചിട്ടില്ല.

ALSO READ: ഡിവൈഎഫ്ഐ റീബിൽഡ് വയനാട് ക്യാമ്പെയ്നിലേക്ക് 30 സെന്റ് സ്ഥലം കൈമാറി

ഇന്ത്യയ്ക്ക് വേണ്ടി ബാഡ്മി ന്റ ണിൽ ഒളിമ്പിക് മെഡൽ നേടുന്ന ആദ്യ വ്യക്തി എന്ന നിലയിലാണ് സൈന ജനപ്രീതി നേടിയത്. 2010 ൽ കോമൺ വെൽത്ത് ഗെയിംസിൽ താരം സ്വർണം സ്വന്തമാക്കിയിരുന്നു.2012 ലണ്ടൻ ഒളിമ്പിക്സിൽ താരം ഇന്ത്യയ്ക്ക് വേണ്ടി വെങ്കലവും നേടി. വീണ്ടും 2018ലും കോമൺ വെൽത്ത് ഗെയിംസിൽ താരം സ്വർണം സ്വന്തമാക്കിയിരുന്നു.