ബംഗ്ലാദേശിനെതിരായ ആദ്യ ഏകദിന മത്സരത്തിൽ ഉജ്ജ്വല വിജയം സ്വന്തമാക്കി അഫ്ഗാനിസ്ഥാൻ. 92 റൺസിന്റെ കൂറ്റൻ വിജയമാണ് അഫ്ഗാനിസ്ഥാൻ സ്വന്തമാക്കിയത്. ആദ്യം ബാറ്റ് ചെയ്ത അഫ്ഗാനിസ്ഥാൻ 49.4 ഓവറിൽ 235 റൺസെടുത്തു. മറുപടി ബാറ്റിങ്ങിനിറങ്ങിയ ബംഗ്ലാദേശിന് 34.3 ഓവറിൽ 143 റൺസ് എടുക്കാനെ സാധിച്ചുള്ളു.
ടോസ് നേടിയ അഫ്ഗാനിസ്ഥാൻ ബാറ്റിങ് തെരഞ്ഞെടുക്കുകയായിരുന്നു. എന്നാൽ തുടക്കം അടിപതറിയ അറ്ഗാനിസ്ഥാന് 71 റൺസെടുക്കുന്നതിനിടെ 5 വിക്കറ്റ് നഷ്ടമായി. ആറാം വിക്കറ്റിൽ നായകൻ ഹസമത്തുള്ള ഷാഹിദിയും മുഹമ്മദ് നബിയും ചേർന്നു നടത്തിയ രക്ഷാപ്രവർത്തനത്തിലാണ് ഭേദപ്പെട്ട സ്കോറിലേക്കെത്താൻ അഫ്ഗാനിസ്ഥാന് കഴിഞ്ഞത്.
ആറാം വിക്കറ്റിൽ 104 റൺസിന്റെ കൂട്ടുകെട്ടുയ‍ർത്തിയ സഖ്യത്തിൽ ഷാഹിദി 52 റൺസും നബി 84 റൺസും നേടി. ബംഗ്ലാദേശിനു വേണ്ടി ടസ്കിൻ അഹമ്മദും മുസ്തഫിസൂർ റഹ്മാനും നാല് വിക്കറ്റുകൾ വീതം വീഴ്ത്തി.
Also Read: ഐപിഎല്ലിലെ വിലപിടിപ്പുള്ളവര്‍ ഇവര്‍; കോടിക്കിലുക്കത്തില്‍ ഇന്ത്യന്‍ താരങ്ങള്‍
മറുപടി ബാറ്റിങ്ങിനിറങ്ങിയ ബംഗ്ലാദേശ് രണ്ടിന് 120 എന്ന ശക്തമായ നിലയിലെത്തി. നജ്മുൾ ഹൊസൈൻ ഷാൻ 47 റൺസും. സൗമ്യ സർക്കാർ 33 റൺസും, മെഹിദി ഹസൻ മിറാസ് 28 റൺസുമെടുത്തു. ശക്തമായ നിലയിൽ നിന്ന് 23 റൺസിനിടെ ബംഗ്ലാദേശ് എട്ട് വിക്കറ്റുകൾ വലിച്ചെറിഞ്ഞതോടെയാണ് 143 റൺസിൽ ബംഗ്ലാദേശിന്റെ പോരാട്ടം അവസാനിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
