വീട്ടില്‍ ഏത്തപ്പഴം ഉണ്ടോ? എങ്കില്‍ 3 മിനിറ്റില്‍ തയ്യാറാക്കം കിടിലന്‍ ഏത്തപ്പഴം പുളിശ്ശേരി. എങ്ങനെ തയ്യാറാക്കാമെന്ന് നോക്കിയാലോ…
ആവശ്യമായ ചേരുവകള്‍…
ഏത്തപ്പപഴം – 1 എണ്ണം
മഞ്ഞള്‍ പൊടി – 1/4 ടീസ്പൂണ്‍
മുളക് പൊടി – 1/2 ടീസ്പൂണ്‍
തേങ്ങ – 1/4 കപ്പ്
പച്ചമുളക് – 2 എണ്ണം
ജീരകം – 1/8 ടീസ്പൂണ്‍
തൈര് – 1/4 കപ്പ്
വെളിച്ചെണ്ണ – 1 ടീസ്പൂണ്‍
കടുക് – 1/2 ടീസ്പൂണ്‍
ചുവന്ന മുളക് – 2 എണ്ണം
ഉലുവപ്പൊടി – ഒരു പിഞ്ച്
കറിവേപ്പില
ഉപ്പ് – ആവശ്യത്തിന്
ALSO READ:ഉച്ചയ്ക്ക് ചൂടു ചോറിനൊപ്പം പച്ച കുരുമുളക് അരച്ച നാടൻ മത്തി പൊരിച്ചത് ആയാലോ ?
തയ്യാറാക്കുന്ന വിധം
ഏത്തപ്പഴം നാലായി മുറിച്ച് ശേഷം മഞ്ഞള്‍പ്പൊടിയും മുളകുപൊടിയും ഉപ്പും ചേര്‍ത്ത് വേവിച്ചെടുക്കുക. മിക്‌സിയില്‍ തേങ്ങയും പച്ചമുളകും ജീരകവും ചേര്‍ത്ത് നന്നായി അരച്ചെടുക്കുക. പഴം വെന്തുവരുമ്പോള്‍ അതിലേക്ക് ഈ കൂട്ട് ചേര്‍ത്ത് ഇളക്കുക. തൈര് കൂടി ചേര്‍ത്ത് ഇളക്കുക. ഇതിലേക്ക് കടുകും മുളകും കറിവേപ്പിലയും ഉലുവ പൊടിയും ചേര്‍ത്ത് വറുത്തിടുക. പുളിശേരി തയ്യാര്‍!!!
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
