സ്ഥിര നിക്ഷേപങ്ങള്‍ക്ക് പ്രത്യേക പലിശ നിരക്ക് പ്രഖ്യാപിച്ച് ബാങ്ക് ഓഫ് ഇന്ത്യ. 8.10 ശതമാനം പലിശയാണ് 400 ദിവസത്തെ ഫിക്സഡ് ഡിപ്പോസിറ്റിന് ബാങ്ക് വാഗ്ദാനം ചെയ്യുന്നത്. ഇന്ന് മുതല്‍ എല്ലാ ശാഖകളിലും ഈ പ്രത്യേക റീട്ടെയില്‍ ടേം ഡെപ്പോസിറ്റ് ലഭ്യമാണ്. ബാങ്ക് ഓഫ് ഇന്ത്യയുടെ മ്നി നിയോ ആപ്പ്, ഇന്റർനെറ്റ് ബാങ്കിംഗ് എന്നിവയിലൂടെയും ഈ സേവനം ലഭ്യമാകുമെന്ന് ബാങ്ക് അറിയിച്ചു. 3 കോടി രൂപയ്ക്ക് താഴെയുള്ള നിക്ഷേപങ്ങള്‍ക്കാണ് ഈ പലിശ നിരക്ക്.
400 ദിവസത്തെ ഫിക്സഡ് ഡിപ്പോസിറ്റ് സ്കീമിന് കീഴില്‍ വരുന്ന സൂപ്പര്‍ സീനിയര്‍ സിറ്റിസണ്‍സിനാണ് 8.10 ശതമാനം പലിശ ലഭിക്കുക. മുതിര്‍ന്ന പൗരന്മാര്‍ക്ക് 7.95 ശതമാനം പലിശയും, മറ്റ് ഉപഭോക്താക്കള്‍ക്ക് 7.45 ശതമാനം പലിശയുമാണ് ലഭിക്കുക. 1 കോടി രൂപയ്ക്ക് മുകളിലുള്ള നിക്ഷേപത്തിനാണ് ഈ ഓഫർ ലഭ്യമാകുക. എപ്പോള്‍ വേണമെങ്കിലും പിന്‍വലിക്കാവുന്ന നിക്ഷേപ പദ്ധതിയുടെ കീഴിൽ സൂപ്പര്‍ സീനിയര്‍ സിറ്റിസണ്‍സിന് 7.95 ശതമാനം പലിശയും, സീനിയര്‍ സിറ്റിസണ്‍സിന് 7.80 ശതമാനം പലിശയും, മറ്റ് ഉപഭോക്താക്കള്‍ക്ക് 7.30 ശതമാനം പലിശയുമാണ് ലഭിക്കുക.
Also Read: ഇനി പിടിച്ചാല്‍ കിട്ടില്ല മക്കളേ, പൊന്നിന് ഇനി പൊന്നുംവില; സ്വര്‍ണവില വീണ്ടും കൂടി
400 ദിവസത്തെ സ്ഥിര നിക്ഷേപ പദ്ധതിക്ക് കീഴിൽ റെസിഡന്‍റ് ഇന്‍ഡ്യന്‍, എന്‍ആര്‍ഇ, എന്‍ആര്‍ഒ എന്നിവർക്കും നിക്ഷേപിക്കാവുന്നതാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
