കഴിഞ്ഞ ദിവസം കേരള സൂപ്പര്‍ ലീഗ് മത്സരത്തിനിടെ നടന്‍ ബേസില്‍ ജോസഫിന് പറ്റിയ അബദ്ധത്തിന്റെ വീഡിയോ വളരെ വേഗമാണ് സോഷ്യല്‍മീഡിയയില്‍ മുഴുവന്‍ വൈറലായത്. തുടര്‍ന്ന് ബേസിലിനെ ട്രോളി ടൊവിനോയും സഞ്ജു സാംസണും കൂടി രംഗത്തെത്തുകയും ചെയ്തിരുന്നു.
ഇപ്പോഴിതാ ടൊവിനോയ്ക്കും സഞ്ജുവിനുമുള്ള മറുപടി നല്‍കിയിരിക്കുകയാണ് ബേസില്‍. കൈ കിട്ടിയില്ലെങ്കിലും കപ്പ് കിട്ടി ഗയ്സ് എന്നാണ് ടൊവിനോയെയും സഞ്ജുവിനെയും ടാഗ് ചെയ്ത് ബേസില്‍ കുറിച്ചിരിക്കുന്നത്.
എന്നാല്‍ ബേസിലിന്റെ പോസ്റ്റിന് താഴെ സഞ്ജുവും നസ്രിയയുമുള്‍പ്പെടെ നിരവധി പേരാണ് കമന്റുമായെത്തിയിരിക്കുന്നത്. മെയിന്‍ ഫോട്ടോ എവിടെ എന്നായിരുന്നു നസ്രിയയുടെ ചോദ്യം. ‘നീയും എന്നെ’ എന്നാണ് ബേസില്‍ തിരിച്ചു കമന്റ് ചെയ്തത്.
ആശംസകള്‍ പയ്യാ. അടുത്ത തവണ കൈ തരാന്‍ മലപ്പുറം എഫ്‌സിയുമായി താന്‍ വരാമെന്നായിരുന്നു സഞ്ജു സാംസന്റെ കമന്റ്. ഉദ്ഘാടന പതിപ്പിന്റെ ഫൈനലില്‍ ഫോഴ്‌സ കൊച്ചിയെ പരാജയപ്പെടുത്തി കാലിക്കറ്റ് എഫ്‌സി ചാംപ്യന്മാരായിയിരുന്നു.
കഴിഞ്ഞദിവസം കോഴിക്കോട് ഇ.എം.എസ് സ്റ്റേഡിയത്തില്‍ നടന്ന കേരള സൂപ്പര്‍ ലീഗിന്റെ ഫൈനലിന് ശേഷമാണ് രസകരമായ സംഭവമുണ്ടായത്. ബേസിലിന്റെ ഉടമസ്ഥതയിലുള്ള കാലിക്കറ്റ് എഫ്.സിയും പൃഥ്വിരാജിന്റെ ഉടമസ്ഥതയിലുള്ള ഫോഴ്‌സാ കൊച്ചിയും തമ്മിലായിരുന്നു മത്സരം.
Also Read : കര്‍മ ഈസ് എ ബീച്ച് എന്ന് ടൊവിനോ, നീ പകപോക്കുവാണല്ലേടാ എന്ന് ബേസിലും; ട്രോളിക്കൊന്ന് സഞ്ജു സാംസണും
മത്സരശേഷം വിജയികള്‍ക്ക് മെഡല്‍ സമ്മാനിക്കുന്ന ചടങ്ങില്‍ എല്ലാ കളിക്കാരും പൃഥ്വിയുടെ കൈയില്‍ നിന്ന് മാത്രം മെഡല്‍ സ്വീകരിക്കുന്നത് വീഡിയോയില്‍ കാണാം. എന്നാല്‍ ആരും തന്നെ ബേസിലിനെ ആരും മൈന്‍ഡ് ചെയ്യാതെ പോവുന്നതും വീഡിയോയില്‍ ദൃശ്യമാണ്. 2-0 ത്തിന് കാലിക്കറ്റ് എഫ്.സി. കിരീടം സ്വന്തമാക്കി.
ഈ വീഡിയോക്ക് തണ്ണീര്‍മത്തന്‍ ദിനങ്ങളിലെ ‘എന്ത് വിധിയിത്’ എന്ന പാട്ട് വെച്ചുകൊണ്ട് സഞ്ജു സാംസണ്‍ ഇന്‍സ്റ്റഗ്രാമില്‍ സ്റ്റോറി ഇട്ടിരുന്നു. ഈ വീഡിയോക്ക് ടൊവിനോ കളിയാക്കി ചിരിക്കുന്ന കമന്റും അതിന് ‘നീ പക പോക്കുകയാണല്ലേ’ എന്ന ബേസിലിന്റെ റിപ്ലൈയും വൈറലായി.
ഈയിടെ ടൊവിനോ നിര്‍മിക്കുന്ന മരണമാസ് എന്ന ചിത്രത്തിന്റെ പൂജയ്ക്കിടെ ബേസില്‍ ടൊവിനോയെ ട്രോളുന്ന അവസരമുണ്ടായിരുന്നു.
പൂജക്ക് ശേഷം ആരതിയുമായി പോകുന്ന സമയത്ത് ടൊവിനോ കൈ കാണിക്കുകയും എന്നാല്‍ ടൊവിനോക്ക് നേരെ പൂജാരി ആരതി കാണിക്കാതെ പോവുകയും ചെയ്തിരുന്നു. ഈ സംഭവത്തെ ബേസില്‍ പലയിടുത്തും കളിയാക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു.
View this post on Instagram
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
