ബ്ലാക്ക്മാൻ എന്ന അജ്ഞാതൻ സിസിടിവിയിൽ കുടുങ്ങിയെങ്കിലും ആളെ തിരിച്ചറിയാനാകാത്തത് പൊലീസിനും നാട്ടുകാർക്കും ഇപ്പോൾ തലവേദനയായിരിക്കുകയാണ് . കോക്കടവിലെ പായിക്കാട്ട് ചാക്കോയുടെ വീട്ടിൽ ചുവരെഴുത്ത് നടത്തിയ ബ്ലാക്ക്മാൻ സിസിടിവിയിൽ ‘പ്രത്യക്ഷപ്പെട്ടെങ്കിലും തല മുഴുവൻ മറച്ചതിനാൽ ആളെ തിരിച്ചറിയാനാകുന്നില്ല. കഴിഞ്ഞ ദിവസം പുലർച്ചെ 4.22 ആണ് ബ്ലാക്ക്മാൻ ചാക്കോയുടെ വീട്ടിലെത്തി ഭിത്തിയിൽ ചുവരെഴുത്ത് നടത്തിയത്.
കൂലോംത്തുംപൊയിലെ കളപ്പുരയ്ക്കൽ ജോസഫിന്റെ വീടിന്റെ ഭിത്തിയിൽ എഴുതുകയും ചിത്രം വരയ്ക്കുകയും ചെയ്ത ആൾ തന്നെയാണ് ചാക്കോയുടെ വീടിന്റെ ഭിത്തിയിലും ചുവരെഴുത്ത് നടത്തിയത്. 2 സ്ഥലത്തും എഴുതിയത് ഒരു പോലെയാണ്. നേരത്തെ പെരുന്തടത്തെ സുധയുടെ വീട്ടിലെ സിസിടിവിയിലും ബ്ലാക്ക്മാൻ കുടുങ്ങിയെങ്കിലും ആളെ തിരിച്ചറിയാനായിരുന്നില്ല. ഇവിടെയും മുഖം മറച്ചാണ് അജ്ഞാതൻ എത്തിയത്.
also read :മരിച്ചടക്ക് നടത്തി; ഏഴാം നാൾ സ്വന്തം കല്ലറ കാണാന്‍ ‘പരേതൻ’ എത്തി
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
