മികച്ച നടിക്കുള്ള ദേശീയ അവാര്‍ഡും ഏഴ് ഫിലിംഫെയര്‍ അവാര്‍ഡും സ്വന്തമാക്കിയിട്ടുള്ള ഇന്ത്യന്‍ സിനിമയിലെ എക്കാലത്തേയും മികച്ച നടിമാരിൽ ഒരാളാണ് വിദ്യ ബാലന്‍. മലയാളിയായ നടി ബോളിവുഡ് ഇന്‍ഡസ്ട്രിയുടെ മുന്‍നിരയിലേക്ക് വളരെ പെട്ടന്നാണുയർന്നത്.
തനിക്ക് ക്രഷ് തോന്നിയിട്ടുള്ള അഭിനേതാക്കളെ പറ്റി സംസാരിക്കുകയായിരുന്നു നടി. ചെറുപ്പത്തിൽ വളരെ ഇഷ്ടം തോന്നിയിട്ടുള്ള നടൻ അമിതാഭ് ബച്ചനായിരുന്നെന്നും. അദ്ദേഹത്തിന്റെ സിനിമകൾ കുട്ടിക്കാലത്ത് ടിവിയില്‍ വരുമ്പോള്‍ ഭക്ഷണം പോലും കഴിക്കാതെ ഇരുന്ന് കാണാറുണ്ടായിരുന്നുവെന്നും നടി പറഞ്ഞു.
നടിമാരിൽ എക്കാലത്തെയും ക്രഷ് മാധുരി ദീക്ഷിത്താണെന്നും പറഞ്ഞ വിദ്യാബാലൻ തനിക്ക് ഒരുപാട് കാലം ക്രഷ് തോന്നിയിട്ടുള്ള നടന്റെ പേരും വെളിപ്പെടുത്തുകയുണ്ടായി.
‘എനിക്ക് ക്രഷ് തോന്നിയിട്ടുള്ള ആള്‍ മാധുരി ദീക്ഷിത്താണ്. നടിമാരുടെ കാര്യമെടുത്താലാണ് മാധുരിയുടെ പേര് മനസില്‍ വരിക. നടന്മാരുടെ കാര്യത്തില്‍ ക്രഷ് എന്ന് പറയാന്‍ പറ്റാത്ത ഒരു അവസ്ഥയുണ്ടായിരുന്നു. വളരെ ചെറിയ പ്രായത്തില്‍ ടി.വിയില്‍ അമിതാാഭ് ബച്ചന്റെ സിനിമകള്‍ വരുമ്പോള്‍ എന്തെന്നില്ലാത്ത സന്തോഷമായിരുന്നു.
സാരാ സമാനാ, ഹസീനോം കാ ദീവാന തുടങ്ങിയ സിനിമകള്‍ ടി.വിയില്‍ വരില്ലെന്ന് അറിഞ്ഞപ്പോള്‍ ഞാന്‍ ഭക്ഷണം പോലും കഴിക്കാതെ ഇരുന്നിട്ടുണ്ട്. ക്രഷ് എന്ന് പറയാനായിട്ട് ഷാരൂഖ് ഖാന്‍ മാത്രമാണ് ഉള്ളത്. അയാളോട് മാത്രമായിരുന്നു എനിക്ക് ഒരുപാട് കാലം ക്രഷ് തോന്നിയിട്ടുള്ളത്,’
എന്നാണ് വിദ്യാ ബാലന്‍ തന്റെ ക്രഷിനെ പറ്റി പറയുന്നത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
