ഇന്ത്യന്‍ തൊഴില്‍ സംസ്‌കാരത്തെക്കുറിച്ചുള്ള ആശയങ്ങൾ പങ്കുവച്ച് ബോംബെ ഷേവിങ് കമ്പനിയുടെ സ്ഥാപകനും സിഇഒയുമായ ശന്തനു ദേശ്പാണ്ഡെ. ലിങ്ക്ഡ്ഇന്‍ പോസ്റ്റില്‍ ആണ് അദ്ദേഹം അഭിപ്രായം പങ്കുവെച്ചത്. തൊഴിലാളികളുടെ യാഥാര്‍ഥ്യങ്ങള്‍, സമ്പത്തിന്റെ അസമത്വങ്ങള്‍, നൂറ്റാണ്ടുകളായി സമ്പദ് വ്യവസ്ഥയെ നയിക്കുന്ന ആഴത്തില്‍ വേരൂന്നിയ ‘കഠിനാധ്വാന’ ധാര്‍മികത എന്നിവയെ സ്പര്‍ശിക്കുന്നതാണ് അദ്ദേഹത്തിന്റെ പോസ്റ്റ്.
‘സാമ്പത്തിക സുരക്ഷിതത്വം ഉറപ്പുനല്‍കിയാല്‍, 99 ശതമാനം പേരും അടുത്ത ദിവസം ജോലിക്ക് വരില്ലെന്ന് അദ്ദേഹം പറഞ്ഞു, രാജ്യത്തിന്റെ തൊഴില്‍ ശക്തിയെ ഇന്ധനമാക്കുന്ന അടിസ്ഥാന പ്രചോദനങ്ങളെ അദ്ദേഹം വെല്ലുവിളിച്ചു. ഗിഗ് തൊഴിലാളികള്‍ മുതല്‍ സര്‍ക്കാര്‍ ജീവനക്കാര്‍ വരെയുള്ളവരുടെ കഥ ഒന്നുതന്നെയാണെന്ന് അദ്ദേഹം പറഞ്ഞു.
Read Also: ആ ഒരു കോടി രൂപ നിങ്ങള്‍ക്കോ; ഫിഫ്റ്റി- ഫിഫ്റ്റി ലോട്ടറി ഫലം അറിയാം
സമ്പത്തിന്റെ വിഭജനത്തെക്കുറിച്ചും അദ്ദേഹം ചര്‍ച്ച ചെയ്തു. വെറും 2,000 കുടുംബങ്ങള്‍ എങ്ങനെയാണ് ഇന്ത്യയുടെ സമ്പത്തിന്റെ 18 ശതമാനം നിയന്ത്രിക്കുന്നതെന്ന് അദ്ദേഹം ചോദിച്ചു. എന്നാല്‍ രാജ്യത്തിന്റെ നികുതിയുടെ 1.8 ശതമാനത്തില്‍ താഴെയാണ് ഇവ സംഭാവന ചെയ്യുന്നത്. അത് വെറും ഭ്രാന്താണെന്നും അദ്ദേഹം പറഞ്ഞു. ഭൂരിപക്ഷം പേരും തങ്ങളുടെ കുടുംബത്തെ നിലനിര്‍ത്താന്‍ അനന്തമായി അധ്വാനിക്കുമ്പോള്‍ കുറച്ചുപേര്‍ക്ക് അനുപാതരഹിതമായി പ്രയോജനം ലഭിക്കുന്ന ഒരു വ്യവസ്ഥിതിയുടെ ധാര്‍മികതയെയും അദ്ദേഹം ചോദ്യം ചെയ്തു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
