കുട്ടികള്‍ കൊതിയോടെ കഴിക്കും; വെറും രണ്ട് മിനുട്ടിനുള്ളില്‍ തയ്യാറാക്കാം ഒരു വെറൈറ്റി ഇഡ്ഡലി

കുട്ടികളും മുതിര്‍ന്നവവരും ഒരുപോലെ ഇഷ്ടപ്പെടുന്ന ഒരു കിടിലന്റെ ഫുഡ് പറഞ്ഞുതരട്ടെ ? നല്ല കിടിലന്‍ രുചിയില്‍ സോഫ്റ്റ് ആയ റവ ഇഡ്ഡലി സിംപിളായി വീട്ടിലുണ്ടാക്കിയാലോ ?

ചേരുവകള്‍

വറുത്ത റവ – 1കപ്പ്

തൈര് – 1/2 കപ്പ്

ഉഴുന്ന് പരിപ്പ് – 1 ടീസ്പൂണ്‍

മല്ലിയില അരിഞ്ഞത് 3 ടീസ്പൂണ്‍

കറിവേപ്പില – 2 തണ്ട്

ക്യാരറ്റ് ചീകിയത് – 1/4 കപ്പ്

ഇഞ്ചി അരിഞ്ഞത് – 1 ടീസ്പൂണ്‍

പച്ചമുളക് അരിഞ്ഞത് – 2 എണ്ണം

കായപ്പൊടി – 1/4 ടീസ്പൂണ്‍

നെയ്യ് – 1 ടീസ്പൂണ്‍

അണ്ടിപ്പരിപ്പ് 8 – 10 എണ്ണം

എണ്ണ – 1 ടീസ്പൂണ്‍

കടുക് – 1 ടീസ്പൂണ്‍

ഉപ്പ് – ആവശ്യത്തിന്

വെള്ളം – ആവശ്യത്തിന്

Also Read : ഇനി നല്ല നാടന്‍ പച്ചമോര് ഇങ്ങനെ തയ്യാറാക്കി നോക്കൂ, വയറും മനസും നിറയും

തയ്യാറാക്കുന്നവിധം

പാത്രത്തിലേക്ക് റവ, തൈര്, ഉപ്പ് എന്നിവ മിക്സ് ചെയ്ത് വെള്ളം ഒഴിച്ച് ഇഡ്ഡലി മാവ് രൂപത്തിലാക്കുക

20 മിനിറ്റ് അടച്ചു വെക്കുക.

ഒരു പാനില്‍ നെയ്യ് ചൂടാക്കി കടുക് പൊട്ടിക്കുക.

അതിലേക്ക് കറിവേപ്പില, ഇഞ്ചി, പച്ചമുളക് എന്നിവ അരിഞ്ഞത് ഇട്ടു മൂപ്പിച്ചെടുക്കുക.

തീ അണക്കുന്നതിന് മുമ്പ് കായപ്പൊടി ഇട്ട് ഒന്ന് ചൂടാക്കുക.

ഇത് തയ്യാറാക്കി വച്ചിരിക്കുന്ന മാവിലേക്ക് ഇടുക.

ക്യാരറ്റും, അരിഞ്ഞു വച്ച മല്ലിയിലയും ഇട്ടു നന്നായി ഇളക്കുക.

ഇഡ്ലി തട്ടിന്റെ ഓരോ കുഴിയിലും എണ്ണ തൂവി മാവ് ഒഴിച്ചു കൊടുക്കുക.

20 മിനിറ്റ് മീഡിയം തീയില്‍ വേവിച്ചെടുക്കുക.