ഓണം ആഘോഷത്തോടനുബന്ധിച്ച് പാലക്കാട് ചിതലിയിൽ കാളപ്പൂട്ട് മത്സരം നടന്നു. ചിതലി പെരുങ്കുന്നം രാമകൃഷണൻ സ്മാരക കന്നുപൂട്ടുകണ്ടത്തിൽ മതസൗഹാർദ കൂട്ടായ്മയുടെ നേതൃത്വത്തിലാണ് കാളപ്പൂട്ട് മത്സരം സംഘടിപ്പിച്ചത്. പാലക്കാട് ജില്ലയിലെ വിവിധ ഭാഗങ്ങളിൽ നിന്നെത്തിയ കന്നുകാലി സംഘങ്ങളാണ് മത്സരത്തിൽ പങ്കെടുത്തത്. മത്സരത്തിൽ നിന്ന് ലഭിക്കുന്ന തുക വയനാട്ടിലെ ദുരിതബാധിതർക്ക് നൽകും. കാർഷിക സംസ്കൃതിയുടെ ഓർമകളുണർത്തിയാണ് കൊയ്ത്തു കഴിഞ്ഞ പാടത്ത് കാളപ്പൂട്ട് മത്സരം നടന്നത്.
ആവേശവും ആർപ്പുവിളികളോടെയും കന്നുകാലികളുമായി എത്തിയ കർഷകർ പോരാടി. പാലക്കാട് ചിതലി പെരുങ്കുന്നം രാമകൃഷ്ണൻ മെമ്മോറിയൽ സ്റ്റേഡിയത്തിലാണ് ഇത്തവണ ഓണാഘോഷത്തിൻ്റെ ഭാഗമായുള്ള കാളപ്പൂട്ട് മത്സരം കർഷകർ സംഘടിപ്പിച്ചത്. പാലക്കാട് ജില്ലയക്ക് അകത്ത് നിന്നും പുറത്ത് നിന്നും നിരവധി പേരാണ്, മത്സരം കാണാൻ ഇവിടെക്ക് എത്തിയത്. ഇത്തവണ രജിസ്ട്രേഷനിലൂടെ ലഭിക്കുന്ന പണം കർഷകന് വേണ്ടിയല്ല, വയനാടിന് വേണ്ടി മാറ്റിവെക്കാനാണ് സംഘാടകരുടെ തീരുമാനം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
