തെരഞ്ഞെടുപ്പ് മുന്നിൽ കണ്ട് ഗൂഢനീക്കവുമായി കേന്ദ്രസർക്കാർ; പൗരത്വ നിയമ പ്രഖ്യാപനം ഉടനെന്ന് സൂചന

പൗരത്വ നിയമത്തിന്റെ ചട്ടങ്ങളുടെ വിജ്ഞാപനം മാർച്ച് ആദ്യ വാരമെന്ന് സൂചന. തെരഞ്ഞെടുപ്പ് മുന്നിൽ കണ്ടാണ് കേന്ദ്രസർക്കാരിന്റെ ഈ ഗൂഢനീക്കം. 2019 ൽ പൗരത്വ നിയമ ഭേദഗതി പാർലമെന്റ് പാസാക്കിയിരുന്നു. പൗരത്വത്തിന് അപേക്ഷിക്കാനുള്ള പോർട്ടൽ കേന്ദ്ര ആഭ്യന്തരമന്ത്രാലയം സജ്ജമാക്കിയിട്ടുണ്ട്. വലിയ പ്രതിഷേധമാണ് 2019 ൽ പൗരത്വ ഭേദഗതിയോടുണ്ടായത്. ഇതിനെയെല്ലാം കായികമായി കേന്ദ്രസർക്കാർ നേരിടുകയായിരുന്നു.

Also Read: ശബരിമല മേൽശാന്തി നിയമനം; മലയാളി ബ്രാഹ്മണർക്ക് മാത്രമെന്ന് ഹൈക്കോടതി

നിയമത്തിനെതിരെ രാജ്യത്താകമാനം നടന്ന പ്രതിഷേധങ്ങളിലായി 80 ഓളം പേര് കൊല്ലപ്പെട്ടിരുന്നു. പാര്‍ലമെന്റ് നിയമം പാസാക്കി 6 മാസത്തിനകം ചട്ടങ്ങള്‍ തയാറാക്കണമെന്നതാണു വ്യവസ്ഥ. എന്നാൽ ബിൽ പാസാക്കി വർഷങ്ങൾക്ക് ശേഷം തെരഞ്ഞെടുപ്പിനോടനുബന്ധിച്ചു മാത്രമാണ് ചട്ടങ്ങൾ അവതരിപ്പിക്കാൻ കേന്ദ്രം തീരുമാനിക്കുന്നത്. ഇത് വലിയ പ്രതിഷേധങ്ങൾക്ക് വഴിതെളിക്കുമെന്നാണ് പ്രതീക്ഷിക്കുന്നത്.

Also Read: കോഴിക്കോട് എൻഐടിയിലെ സവർക്കറുടെ പേരിലെ കലോത്സവം; ദേശീയപാരമ്പര്യത്തോടുള്ള വെല്ലുവിളിയെന്ന് എളമരം കരീം

ഇതോടെ ഇന്ത്യയിലെ മുസ്ലീങ്ങളടക്കമുള്ള മത ന്യൂനപക്ഷങ്ങൾക്ക് ഇന്ത്യയിൽ പൗരത്വം നിഷേധിക്കപ്പെടും. ന്യൂനപക്ഷങ്ങളോടുള്ള മോദി സർക്കാരിന്റെ വിവേചനവും ഹിന്ദുത്വ അജണ്ട നടപ്പിലാക്കാനുള്ള നാഴികക്കല്ലും പൗരത്വ ഭേദഗതിയിലൂടെ തുറന്നുകാട്ടപ്പെടുകയാണ്.